Sal 137 - Mam Ostuncalco Bible

Kytzi nin a' toj B'ab'ilon

1Q'uqliqo'toqe' kytziju' nin a' B'ab'ilon,

nqo oq'e' ajttzaj qna'nju'ye' tnam Syon.

2Intoq che jaw qyob'a'ne' qchinab'e' arpa

kyi'ju' tze chjaj ate' toju' nintnam.

3Aye'tzu'n e'xiq'inqeye' tu'n qjpunjtze' atzu',

aye' eb'je'l q'inkye tkyaqilju' ti'xti' qeye',

intoq kyma'n tu'n qb'itzane' tuk'i'l tzalajb'il;

¡tu'n kyxi' qb'itza'nju'ye' b'itz ti'j Syon!

4¿Se'n taq'wi qo b'itzal b'itze' te Qman Dyos

toj junxi'tl tx'otx'?

5¡Kyajxwit tzqiju' nb'anq'ob'e',

qama tzik'tna'la Jerusalen wu'ne'!

6¡Tz'okxwit lak'e waq'e' toj nk'o'ne'

qa min saj nna'na Jerusalen,

qa min xjaw nnima'na nejtl

twitz tkyaqil ntzalajb'ile'!

7Nman Dyos, na'ntza titi' kyma aj Edom,

tej tkub' tz'aq Jerusalen:

¡Kyxitunku'ye', kyxitunku'ye' kyuk'i'lxi' tq'uqlil! chechij.

8¡Atzunta B'ab'ilon, kb'el xitu'na!

¡Tzalajb'ilte' teju' k'okyel q'onte tu'me'l t-xel teya

tu'nju' xtb'inchaya qeye'!

9¡Tzalajb'ilte' teju' kb'eltzyunkyeju' tk'wala

tu'n kyok tb'uchi'n kyi'j pik! Chiju' b'itzal.