1Nman Dyos, maqokyej tkolb'e'na toju' ttx'u'jila,
matxi' qokub' t-xitu'na;
¡ja'lo q'ontz jumajtla qipumale'!
2Tb'inchaya tu'n tyukchiju' tx'otx' ex tu'n txi' jaqli;
¡ja'lo jpunku' jumajtla xb'aj jaqj, qu'n in qotx'j!
3Matb'inchaya tu'n tik'ju' ttanama toj yajb'il kuw,
matzaj tq'o'na jun q'e'n qeye' nnok toj kywitz xjal tu'n;
4¡Tzaj tq'o'na jun techlal kyeju' inche niman teya,
tu'ntoq kyklet kyeju' smaj nche tzaj xon!
5¡Qo ttzaq'wetza, qo tkloma tu'n tipumala!
¡Klomqe'ju'ya nche tk'u'jla'na!
6Oje tma Qman Dyos toju' tja xjan;
¡Kb'el waq'pu'nju'ye' tx'otx' Sikyem tuk'i'l tzalajb'il
ex kb'ajel nsipa'ne' b'ya' Sukot!
7Weqe'weye' Kalaad ex Manases;
ate Eprayin kolb'il tokx toj nwi'ye';
atzu'n Juda ntzeye' te aq'b'il chaq'b'il.
8A nk'o'ẍju'ye' Moab' te ntx'ajb'ile';
kb'el nxone' nxajab'e' tib'aj Edom;
¡kchin jawil ẍch'ine' ajnkanb'ane' kyib'aj pilistey! Chi Dyos.
9¿Alxi'xkye k'onil weye' tu'n tkub'ti'ju' nintnam jpu'mile ti'j tu'n nintapi?
¿Alkye kpomel q'inweye' toju' tnam Edom?
10Aya Nman Dyos, ju' o eltik'o'na,
¡minti' nnextla kyuk'i'lju' qxjale' te q'oj!
11Qo tonima tu'n tkub'ti'ju' qajq'oje',
qu'n aju' qe' qipumal mixti'x tz'oka'.
12Tu'nju' t-o'nb'il Dyos kb'entel nimaq ti'xti' qu'n;
¡ate kb'el najsankyeju' qajq'oj! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
