1Aye'tzun pale ja'lu exqe' aj Leb'i anjtzkyi'j tuk'i'l Sorob'ab'el, tk'wal Salatyel, ex tuk'i'l Joswe:
Aye' pale: Serayiy, Jeremiy, Esdras,
2Amariy, Maluk, Atus,
3Sekaniy, Rewum, Meremot,
4Ido, Wineton, Ab'iy,
5Mijamin, Maadiy, B'ilka,
6Semayiy, Joyarib', Jedayiy,
7Salu, Amok, Ilkyiy ex Jedayiy. Aye'toqtzun kynejel paleju' kyuk'i'lju' kywitze'l toj tq'ijlalil Joswe.
8Aye'tzu'n aj Leb'i: aye' Joswe, B'inuy, Kadmyel, Sereb'iy, Juda ex Mataniy, ju' tojtoq tq'ob' kyuk'i'lju' tuk'i'l ta'qe' b'itz te ajwalb'il;
9ex B'akb'ukyiy, ex Uni, kyuk'i'l qe'x, ate'toq kywitz tu'n kyb'inchanteju' kyaq'un.
10Ate Joswe tman Joakyim, atzun Joakyim tman Elyasib', atzun Elyasib' tman Joyada,
11atzun Joyada tman Joanan, atzun Joanan tman Jaduwa.
12-21Aye'toq paleju' nejenel kye junjun ja toju' tq'ijlalil Joakyim:
Nejenel
Toj tja pale
a Merayiy
kye toj tja Serayiy
atzun Ananiy
kye toj tja Jeremiy
atzun Mesulam
kye toj tja Esdras
atzun Joanan
kye toj tja Amariy
atzun Jonatan
kye toj tja Meliku
atzun Jse
kye toj tja Sebaniy
atzun Adna
kye toj tja Arim
atzun Elkay
kye toj tja Merayot
atzun Sakariy
kye toj tja Ido
atzun Mesulam
kye toj tja Kineton
atzun Sikri
kye toj tja Ab'iy
atzun Piltay
kye toj tja Moadiy
atzun Samuwa
kye toj tja B'ilka
atzun Jonatan
kye toj tja Semayiy
atzun Matenay
kye toj tja Joyarib'
atzun Usi
kye toj tja Jedayiy
atzun Kalay
kye toj tja Salay
atzun Eb'er
kye toj tja Amok
atzun Asab'iy
kye toj tja Ilkyiy
atzun Natanael
kye toj tja Jedayiy
22Atzu'n toj kyq'ijlalil Elyasib', Joyada, Joanan ex Jaduwa, ex tzmax tej tkawin Dariy aj Persya, aye' aj Leb'i exqe' pale b'aj ku'x tz'ib'a'n kyb'i te nejenel kye junjun ja xjal.
23Aye'tzu'n aj Leb'i, nejenel kye junjun ja xjal eku'x tz'ib'a'n toju' tu'jil tqanil tzmax toj tq'ijlalil Joanan, tchman Elyasib'.
24Aye' nejenel kye aj Leb'i ja'lu: Asab'iy, Sereb'iy, Joswe, B'inuy ex Kadmyel, exqe' kyuk'i'l ate'toq kywitz tu'n kyajwalin ex tu'n kyq'on chjonte te Qman Dyos toju' kmoj te tajb'eb'l, kse'nxju' ojetoq tchaq' Dab'i ajb'el te Dyos.
25Aye'tzu'n xq'uqil intoq che xq'uqin ttzija aye': Mataniy, B'akb'ukyiy, Ab'diy, Mesulam, Talmon Ex Akub'.
26Aye' ja'lu eb'aj anq'in toj tq'ijlalil Joakyim, tk'wal Joswe ex tchman Josadak; ex toj tq'ijlalil Neemiy ju' kawil ex toj tq'ijlalil Esdras ju' pale ex xnaq'tzal.
Xjansetju' nintapi27Tej tpon tq'ijlalil tu'n t-xjansetju' nintapi ti'jile Jerusalen, eb'ajx joyb'aju' aj Leb'i kyoj kykyaqilju' najb'il janajla'qe'toq, ex eb'aj tzaj iq'i'n toj Jerusalen tu'n tkub' kyik'sa'nju' xjansb'ilte nintapi tuk'i'l tzalajb'il, tu'n kyajwalinte Qman Dyos kyu'n b'itz kyuk'i'l chnab' txijtxij, tzintzin ex arpa.
28Aye'tzu'n aj Leb'iju' b'itzal, eb'aj tzaj kyoju' najb'il ti'jile Jerusalen, kyoju' najb'il toj Netopa,
29toju' tzb'oj ja te Kyilkal ex kyoju' kojb'il Kyeb'a ex Asmab'et; qu'n matxitoq che b'jaw kyb'incha'n b'itzal kojb'il ti'jile Jerusalen.
30B'ajtzun kyẍtilsa'n kyib'ju' pale exqe' aj Leb'i; ex eb'aj kyẍtilsa'n nintnam exqe' tjpel, exju' nintapi kse'nx tchaq'b'il Dyos.
31Yajxi'tzuntl nb'inchaye' tu'n kyjaxju' tzyul kawb'il toj Juda tib'aju' nintapi, ex kub' nnuk'u'ne' kab'e' tnej b'itzal b'a'punchaq kyb'aj. Intoq che b'etju' tnejel tnej tib'aju' nintapi toj tb'a'nq'ob'kya'j, tu'me'lju' ttzi tnam xob'l tz'is tb'i.
32Lepchixtoqtzu'n Osayiy kyi'jxi'ju' tnej b'itzal kyuk'i'l nik'janju' tzyul kawb'il te Juda,
33kyuk'i'l Asariy, Esdras, Mesulam,
34Juda, B'enjamin, Semayiy ex Jeremiy.
35Aye'tzu'n pale nche q'ajtzan chun: aye' Sakariy tk'wal Jonatan, aye' ojtxi' tchmanju' Semayiy, Mataniy, Mikayiy, Sakur ex Asap;
36kyi'jxi'pe'tlju' kywitze'l Semayiy, Asarel, Milalay, Kyilalay, Maay, Natanael, Juda ex Anani, aye' intoq che q'ajtzankyeju' tchinab' Dab'i, ju' ajb'el te Dyos. Nejlitoq Esdras ju' xnaq'tzal kywitz.
37Ex tej kypon tib'aju' ttzi tnam t-xiklil a' tb'i, xikyljo'n kyb'e tib'aju' tapi nimin twe', eb'jax toju' peta'n njapun toju' Ninttanam Dab'i, tib'aju' tja Dab'i te kawb'il ex tzmax tib'aju' ttzi tnam tjpel A tb'i, ati toj tjawetzq'ij.
38Aye'tzu'n tkab' tnej b'itzal xi' e'xa' toj tnayaj. Lepchqinxe' kyi'ju' tnej b'itzal tib'aju' nintapi kyuk'i'lju' nik'jantl xjal, tzajx tk'etzu' ja nimin twe' chuj tb'i, tzmax tk'etzju' tapi nim twitz,
39o'ik'e' ja ta'qe' ttzi tnam Eprayin tb'i, ttzi tnam Jesana tb'i, ttzi tnam kyiẍ tb'i, ex jata' ja Ananel nimin twe' exju' ja Syen nimin twe', tzmax ttzi tnam rit tb'i; ex o'we'ye' ttzi tnam te xq'uqb'il.
40E'kub' tentzu'n kab'e' tnej b'itzaltz toju' kykub'el toj tja Dyos; ex ikxwe', kyuk'i'l nik'janju' kawil lepchqe'toq wi'je'.
41Aye' paleju' ja'lu nche q'ajtzan chun: Elyakyim, Maaseyiy, Minyamin, Mikayiy, Elyoenay, Sakariy, Ananiy,
42Maaseyiy, Semayiy, Eleasar, Usi, Joanan, Malkyiy, Elam ex Eser. Aye'tzu'n b'itzal, nk'u'nqe' tu'n Israyiy, eb'itzan junx toj tneji'n.
43E'kub' q'o'n nim chojb'il toju' q'ij lu, ex eb'aj tzalaju' xjal nim qu'n e'tzalajsanjtz b'a'nxi'x tu'n Dyos. E'qya exqe' k'wal eb'aj tzalaj, ex q'ojq'oj toqju' tzalajb'il najchaq b'aj toj Jerusalen.
Kywa pale ex aj Leb'i44Eb'jo'k q'et junjun xjal toju' tq'ijlalil lu tu'n txi' kyka'yi'nju' k'uwenj, oyaj, tnejel kywitz awal exqe' tlajoji'n tnej nche elkypa'n xjal, jatu'n tk'u'yeta'ju' nb'ajtzaj kyoj kojb'il kye junjun nimaqtnam tu'n tajb'en kye pale ex kye aj Leb'i kse'nxu' ntma'n kawb'il; qu'n intoq che tzalaju' aj Juda kyuk'i'lju' pale ex aj Leb'i ate'toq toj ajb'eb'l.
45Aye' kyuk'i'lju' b'itzal e'xq'uqil ttzija, intoq che b'inchanteju' k'u'lb'il te Dyos exju' ẍtilsab'l twitz Dyos, kse'nxju' ojetoq b'aj tnk'u'n Dab'i ex Salomon ju' tk'wal.
46Qu'n ate'toq nejenel kye aj b'itzal, b'itz te ajwalb'il ex aq'b'il chjonte te Dyos ojtxi' toj kyq'ijlalil Dab'i ex Asap.
47Qu'mtzun kykyaqil aj Israel ex tkyaqil q'ij intoq xikyq'o'nju' ati tajb'en kye aj b'itzal ex kye xq'uqil ttzija, toj kyq'ijlalil Sorob'ab'el ex Neemiy; ex intoq xikyq'o'nju' kye aj Leb'i aju' ati kyoklen ti'j, ex ikxkye aj Leb'i elkypa'n ch'i'n ti'ju' kyk'am ex xikyq'o'n kye tyajajil Aaron.
Who We AreWhat We EelieveWhat We Do
2025 by iamachristian.org,Inc All rights reserved.
