1¡Nman Dyos nimtipumala,
tb'anilxi'xte' tjaya xjan!
2¡Inxi'x pon nk'u'je' ex nchin elb'aje'
tu'n ntene' tpenju' tjaya xjan!
¡Chin b'itzale' teya Dyos tajaw chwinqlal
tuk'i'l tkyaqil wanmiye'!
3Exqepe' tz'unin ex kolondrina
inokyal jatu'n kyb'inchante kypaqb'il kyal
ti'ju' tq'olb'eb'la,
Nman Dyos nimtipumala,
aya Ndyose' ex nnimaqkawile'.
4¡Tzalajb'ilte' kyeju' nche najan toju' tjaya
ex min nche qen tu'n kyb'itzan teya!
5¡Tzalajb'il kyeju' nknet o'nb'il kyu'n tuk'i'la,
aye' kyajb'il tu'n kyb'et toju' tb'eya xjan!
6Aj kyb'ji'k' toju' b'ya' b'isb'ajilxi'x
che jawil b'ent t-xiklil a' toj,
expe' ajttzaj jb'al nche jawb'ent a' tu'n tky'iwb'il Dyos;
7kljetel tch'iy kyipumal,
ex k'okyel kyka'yi'n Dyos nim toklen toj Syon.
8Nman Dyos, te tkyaqil ipumalj,
ja k'uluna' Jakob'
¡b'intzju'ya nna'j Dyose'!
9Nman Dyos, ka'yintzju'ya klol qeye',
tuk'i'l tk'u'jlalila
aju' jawni t-sk'o'na te nimaqkawil.
10¡Nimxi'xte' toklen tu'n qten jun q'ije' tpenju' tjaya,
kyetwitz junmutx' q'ij ti'jxi'!
Ate b'a'n tu'n ntene' xq'uqil ttzi tja Dyos,
kyetwitz tu'n ntene' janche b'inchanjtza' taq'wix.
11Qu'n intq'o'nte Qman Dyos spik'un qe ex nqo t-xq'uqi'n;
inche tk'u'jla'nte Qman Dyos nche anq'in toj ttxolilti'j ex inche jawtnima'n,
ex mixti'x nkub' t-xk'ayu'n jun b'a'n kye.
12Nman Dyos nimtipumala,
¡tzalajb'ilte' kyeju' q'uqlok kyk'u'j ti'ja! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
