1Kjawil nnima'na, Nman Dyos
qu'n machin klete' tu'na,
ex min xtaja
tu'n nb'aj xmayine' kyu'n wajq'oje.
2Nman Dyos,
xinqanine' o'nb'il teya, ex machin tq'anaya;
3Nman Dyos, machin tkola teju' kamik;
matzaj tq'o'na nchwinqlale', ex min ẍin kyime'.
4Aye'ye' tnik'alkyi'je' twitz Qman Dyos, ¡che b'itzan b'itze' te!,
¡kyb'itzanxju'ye' tb'i xjan!
5Qu'n naq jun kmuj ntenju' ttx'u'jil,
atzu'n t-xtalb'il kukx ttenju' toj tkyaqil qchwinqlal.
Qama qo oq' te qonik'an,
qo tzalajel te prim.
6Okqexi'xwe' nk'u'j, ex kub' nxima'ne':
Milo najchi'j tu'nkub' tz'aqwe'.
7Atzunta Nman Dyos,
matxitoq chin kub'twab'a'na b'a'nxi'x tu'n t-xtalb'ila.
Tetzunj min sonintla wi'je'
machin kub'chukjiye' tu'nju' xob'il.
8Nman Dyos, teya njawa' tq'ojq'ojel nwi'ye';
twitza nchin kub'sana'ye', Nman Dyos:
9¿titi' tajb'en qama chin kyime',
ex tu'n nxi'q'i'ne' toj muqb'il?
¡lay b'entl tnimanju' quq teya
ex lay yolintl ti'ju' tyola ax!
10Nman Dyos, chin tb'itza ex q'aq'antz tk'u'ja wi'je';
Nman Dyos, ¡chin toniya!
11Matz'okju' njiq'cha'ne' tu'na te tzalajb'il;
matz'el tiq'i'nju'ya b'is wi'je',
ex machin oktktxu'na tu'n tzalajb'il.
12Qu'mtzun, Nman Dyos,
lay chin kyejtene' kukxju':
¡kjawil wajwali'ne' tb'iya kyuk'i'l b'itz
ex kxe'l nq'o'n chjonteye' teya kukxju'!, chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
