1¡Nman Dyos, teya nchin nimana'ye'!
Inxi'x chin jyone' ti'ja, qu'n inchin k'wajtiye' ti'j;
inxi'x chin elb'aje' ti'ja,
kse'n tx'otx' tzqij, in ojqelan a' te.
2¡Wajb'ile' tu'n nka'yinteya toju' tjaya xjan,
ex tu'n nka'yinteju'ye' tipumala ex tajwalila.
3nimxi'xte' toklenju' tk'u'jlalila kyetwitzju' chwinqlal!
Kchin b'itzale' teya tu'n ntziye';
4tkyaqil tq'ijlalil nchwinqlale' kjawil nnima'na,
ex kjawil nmujb'a'n nq'ob'e' teya toj na'j Dyos.
5Kqeb'iltzun nk'u'jtze',
kse'n xjal nxi' toj jun ninwan,
ex kchin b'itzale' teya tuk'i'l tzalajb'il,
6Nkub'lenxi' kẍeye' toj qonik'an,
intzaj nna'na ex inchin ximane' ti'ja,
7qu'n a na'ta nnonin weye'.
¡Inchin tzalaje' kyjaq'ju' t-xik'a!
8Tkyaqilju' nchwinqlale' ati tuk'i'la;
min nchin kyej ttzaqpi'ne' tb'anq'ob'a.
9Aye'kye' kyajb'il tu'n nkub' kyb'yo'ne'
che b'elix tz'aq tzmajx t-xe muqb'il;
10¡tu'n k'uẍtx'e'nb'il kb'ajela' tokywi'
ex che b'ajel ch'yo'n kyu'n xo'j!
11Atzunte' nimaqkawil ktzalajel ti'j Dyos;
kche b'itzalju' inkyma'n kyol ax twitz Dyos,
aye'tzu'n nche chanyol lay jqet kytzi. Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.