1-2Nman Dyos nimtipumal, ja k'uluna' Jakob',
na'ntza Dab'i toj tkyaqilju' yajb'ilte;
na'ntzju'ya tyol xi'ni ttziya'n teya:
3Lay chin okxe' toj njaye'
expe' lay chin kub' kẍeye' ojlal,
4lay che kub' nmtz'u'n nwitze'
ex lay chinwtan jun kmuje',
5qa na'mxtoq tknet jun najb'il wu'ne'
te Qman Dyos nimtipumal ja ajb'ena' Jakob', chij.
6Qb'iye' Eprata ntoq yolinjtz tkaxilju' tyol Dyos kyejni b'entti'j,
ex knet qu'ne' toj kojb'il tij Jaar.
7¡Qo'qe'ye' toj tja Qman Dyos xjan!
¡Qoqe' mejeku' t-xe tqan!
8Iq'i'nktz tib'a, Nman Dyos, tuk'i'lju' kax te ipumalj,
ex kuttzaja twi' witz ja knajala'ya.
9Che ktxet-xwitju' pale twitza tu'n tnik'alilti'j;
qo ẍch'inxwite' tuk'i'l tzalajb'il ayo'ye' nqo nimane' teya.
10Lalun tz'el tik'o'na nimaqkawil jawni t-sk'o'na,
noqx tu'n tk'u'jlalila ti'ju' tmajena Dab'i.
11Tzaj ttziya'n Qman Dyos tyol te Dab'i,
ex lay tz'anjtzti'j tk'u'j:
12K'okyex nq'o'n junju'ye' tk'wala toju' tkawb'ila
qama japun nyole' kyejni b'entti'j
exqe' nchaq'b'ile' che kxe'l nxnaq'tza'ne' kye,
ex che kb'elqeju' kyk'wal kukxju' toju' tq'uqb'ila. Chij.
13¡Matxi' jaw t-sk'o'n Qman Dyos witz Syon!
¡Matxi' jaw t-sk'o'n tu'n tnajan atzu'!
14A witz ja'lu ja wajb'ila'ye' tu'n ntene' kukxju';
chin najale' tib'aj qu'n a kub'ju' toj nwitze'.
15Okxi'xb'el nky'i'wla'nju'ye' kywa
nim kywaju' prow kxe'l nq'o'ne'.
16Che okyel nktxu'ne' pale kyxol tu'nju' kolb'il
ex che ẍch'ilju' nche niman kye tu'n kytzalajb'il.
17Atzuntzu' k'itz'jela'tlju' kykawb'il tyajajil Dab'i wu'ne'.
Matxi' kub' nb'incha'ne' jun spik'un
teju' nimaqkawil oje jawnsk'o'ne'.
18K'elel kych'ixawju' tajq'oj wu'ne',
atzunte kqoptz'ajel tajwalil wu'ne'. Chi Dyos, chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
