Sal CHIK'B'AB'L - Mam Ostuncalco Bible
CHIK'B'AB'LAju' u'j Salmos a b'itzb'ilju' ex kyu'jil na'j Dyos toj Tyol Dyos. A in ajb'enju' nimxi'x toj kyokslab'l aj Juda ex kyu'n okslal ti'j Krist toj kyk'u'lb'il kyoju' tab'q'iyil matxi' tzaj. Expe' ajun u'j ja'lu tku'qe'x k'loj tb'anilxim te okslab'l toj, kyxolu' chukchaq u'j tz'ib'a'nqe' tzmax toju' tq'ijlalil ja'lo.Wuqnaq lajoj (150) b'itz tz'ib'a'n toju' u'j lu, aq'pu'nqe' toj jwe' nimaqk'loj mujqa u'j: tnejel u'j, jun tzmax kab'naq jun (1-41); tkab' u'j, kab'naq kab'e' tzmax oxnaq kab'lajoj (42-72); toxi'n u'j, oxnaq oxlajoj tzmax kyajnaq b'eljoj (73-89); tkyaji'n u'j, kyajnaq lajoj tzmax jo'naq qaq (90-106); tjwe'yi'n u'j, jo'naq wuq tzmax wuqnaq lajoj (107-150).Atl junjunju' u'j lu nche ponb'aj tuk'i'l jun b'itz ajwalb'ilte Qman Dyos, b'a'npunju' tz'ib'ankye toj jun tq'ijlalil nimtoj.
