1Wajb'ile' tu'n wajwalinteye' tk'u'jlalil ex tnik'alilti'j;
Nman Dyos, chin b'itzal b'itze' teya;
2wajb'ile' tu'n wanq'ine' toj tnik'alilti'j.
¿Jtoj tzula nk'etze'?
Kchin anq'ile' b'a'n twitza
expe' ikx toju' njaye' te kawb'il;
3lay tz'ok nq'o'nwe' nwitz
kyi'ju' xim myab'a'n.
Inche wik'u'nwe'ju' min njapun kyol twitza Dyos;
¡layx waje' tu'n kytzaj lq'e nk'etze'!
4Lay tz'ok nq'o'nwe' nwi' kyi'ju' myab'a'n nab'l:
¡min wajb'ile' tu'n nb'inchante jun taq'wixile'!
5Kntenb'a'ye' kyolinju'
inche jk'un yol toj ewaj ti'j kyb'sin;
¡lay tzik'xju' ntnima'ntib' wu'ne'!
6Atzu' k'okyila' tenwe' nwitz kyi'ju' xjal njapun kyol,
tu'n qnajane' junx kyuk'i'l;
o'kxte xjalju' k'ajb'el weye'
aju' nnanq'in toj ttxolilti'j.
7Lay tenju' xjal sb'ul toju' njaye' te kawb'il;
¡mixti' jun chalyol ktenb'il nk'etze'!
8Atl junjun q'ij
che b'el nnajsa'ne' b'inchal myab'a'n toj tkyaqilju' tnam;
¡che b'je'lex nxla'ja'ne' kykyaqilju' b'inchal taq'wix
toju' ninttanam Qman Dyos! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
