Pr 23 - Mam Ostuncalco Bible

- 6 -

1Qama txkonjtza wal tja jun xjal ati toklen,

ximana b'a'nxi'x alqk'etz q'uqla'ya.

2B'a'nqa nq'aq'ana,

jk'um tib'a ti'j twaya;

3Lalun jaw tzalaja ti'ju' t-xilel wab'j tb'anil tka'yinx lu,

qu'n naq tka'yinkyte'.

- 7 -

4Lalun majx tz'ok ye'ya ti'ju' q'inumal;

tenx tnab'la, lalun b'ajx tk'u'ja ti'j.

5Qama tz'el tnik'a b'a'nxi'x, naqch'i'n toka'te' q'inumal;

qu'n naqx minab'en ajt-xi lik'ik'in kse'n q'anjel.

- 8 -

6Lalun tz'okqeya ti'j tmes jun xjal ẍk'u'ẍ,

lalun jaw tzalaja ti'ju' t-xilil twa,

7Qu'n mya tu'n tkyaqil tk'u'j ntxokona',

qu'n majx nka'yin se'n kwaliya;

8atzu'n twaya xb'aj kb'jawil t-xa'ntla

mixti'x soka'te' ttzalajb'ila tuk'i'l.

- 9 -

9Lalun txitq'o'na kynab'lju' xnak,

qu'n naq kjawil xmayin ti'ju' tnab'l kxe'ltq'o'na.

- 10 -

10Lalun tch'exb'eju'ya ojtxi' nqach,

ex lalun kub' ttzyu'na kytx'otx' meb'a,

11Qu'n aye'kye' lu ati jun onilkye nimtipumal

ex ate kyklolkye twitza.

- 11 -

12Xonk tk'u'ja ex q'onk tnab'la

ti'ju' xnaq'tzb'il ex kyi'ju' ojtzqib'l.

- 12 -

13Tzak'umju'ya ku'xun,

lay kyimte' tu'n jun k'iẍlob';

14Ape'na' qama ttzak'uya,

kkletel tu'na te kamik.

- 13 -

15Nk'yajul ajtok tnab'la,

ayinwe' chin tzalajel b'a'nxi'x;

16Ok nna' junwe' tzalajb'il nimxi'x toj wanmiye'

ajt-xi' nb'i'ne' nyolina tojxi'x tu'me'l.

- 14 -

17Lalun tx'a'lti'jtk'u'ja kyi'ju' b'inchal il;

nima'nkpete'ya Qman Dyos kukxju';

18Oktzun ktenb'il tchwinqlaltzu'ya

ex ttzalajb'ila kukxju'.

- 15 -

19B'inkuya b'a'nxi'x nk'yajul ex knoma;

q'onk tilila tu'n txi' lpeya ti'ju' b'a'n b'e.

20Lalun tz'uk'ilana kyuk'i'l twi' tx'ojtel,

expe' ikx kyuk'i'lju' tzeq,

21Qu'n aye'kye' tx'ujtenil exqe' tzeq-qe' kche b'el yajti,

ikxqe' ky'ejqe' kb'el ẍla'qix kyi'j.

- 16 -

22Ka'yinx tmana ex ttxuya;

lalun che eltik'u'na aj kytijin, qu'n aye' ch'isalteju'ya.

23Q'onktililju'ya ax ex nab'l,

xnaq'tzb'il ex tz'okxa k'atz, ¡lalun tz'el tpa'ntib'a kyi'j!

24Jun b'a'n k'walb'aj ex ati tnab'l

tu'me'lx tu'n kytzalaju' tman ti'j;

25¡Atzun b'inchamju'ya, tu'ntzun ttzalaj tmana ex ttxuya ti'ja!

- 17 -

26Chin tb'inku'ya nk'yajul,

ex ka'yinka b'a'nxi'x aju' in nb'incha'ne';

27Qu'n ikyte qya eqch exju' ajpajil

kse'n jun xoch nim t-xe;

28Ikyqe' kse'nqe' eleq' jutzliqe' ka'yilkye xjal,

ex nim ichan nche' tzpet kyu'n.

- 18 -

29¿Alkyetzu'n kyajtel? ¿Alkye kyt'i'njne? ¿Alkyetzu'n nq'ojin ex alkye noq'?

¿Alkyetzun nb'iyli extzun mixti' til?

¿Alkye nkub' yupj tuk'i'l?

30Aye'ju' xjal min kyej kyk'wan q'e'n

ex nb'aj ksmo'n chukchaq q'e'n.

31Aya q'a, lalun pon tk'u'ja ti'ju' k'waj q'e'n.

¡Nakuj ẍq'an twitz aj kux qo'n toj tkb'el!

¡majx tb'anil tka'yinx!

32Tetzun b'ajsb'il kuw tchib'l

kse'n naqa xqo' oktx'a'n tu'n jun kan.

33Milchaqx toj twitza k'okyel,

kb'el yupj tuk'ila, ti'xlo tyol loya;

34Chiloya qa atiya nky'ajchaq ninnjab'

ex naku'j tokxa twi' jun nin tze,

35Ktma'ya:

Machin b'ajb'yone', ex minti' xna'ye';

machin b'aj jikune', ex minti' xwile';

ajtzun ttzaj nna'n wib'e'

kchin xe'le' jyol txqantl q'e'n.