1Nky'ajul, b'inku'ya nnab'le';
q'onk twi'ya ti'ju' xinb'ente wu'ne'.
2Kximaltzuntza ti'j tyola
kyoliltzuntza tuk'i'l ojtzqib'l.
3Qu'n majx tb'anilxi'x yolinju' qya ajpajil
Nxi'x so'jlan tuk'i'l tyol;
4majxtzun k'axi'x npona' b'aj kse'n xmasin
majx tzayunxi'x kyetwitz k'uẍtx'e'nb'il kab'e' plaj twitzte.
5Toj tb'eyil kamik ika' qxa' qama tz'okx qq'o'nqib' tuk'i'l;
toj muqb'il in pona' yalju' tb'e.
6Min nximante' qya lu ti'ju' tb'eyil chwinqlal
ex min neltnik' qa myab'a'nju' tb'e ljo'n.
7Qu'mtzun chin tb'iku'ya nky'ajul,
lan tz'el tpa'ntib'a kyi'ju' nxnaq'tzb'ile'.
8Pa'mil tib'a ti'ju' qya ajpajil;
lalunpe' txi' lq'eya ttzi tja.
9Tu'ntzun lalun b'ajx tq'o'na ati teya ex tchwinqlala
toj kyq'ob' junxi'tl xjal ex mya'lqe';
10tu'ntzun mya junxi'tl jawb'ent
tu'nju' taq'unb'ena nnoktilil.
11Tzul toj tk'u'ja qa min xtb'iya
ajtna'nteya xi'tkub'aja.
12Ktma'tzuntza: ¡Se'n taq'wi min xnb'iju'ye' nab'l!
¡Se'n taq'wi min xwaq' tzak'u' wib'e'!
13¡Mixti'x ẍe'x nb'i'ne' xnaq'tzalweye',
ex min ẍe'x nb'i'nju'ye q'ol nnab'le'.
14Naqxi'x ch'intl miẍin k'ulb'ana'ye'
kywitz kykyaqil xjal! Chiloya.
15Qa nk'wajtiya
k'wana ti'jxju' t-xocha.
16Lalun naq tz'oktena qolteju' taya;
lalun tz'oktena ẍa'lulte toj b'e.
17Tenata' a' ex xoch, ex mya te juntl;
¡lalun kub' tmoji'na kyuk'i'l txqantl!
18¡K'i'wla'nxwitju' t-xocha!
¡Tzalajxa tuk'i'l t-xu'jila tzajx toj tku'xumala,
19tb'anil kse'n jun tal msat!
¡Kukxwit ttz'u'linjtzju'ya tu'n!
¡Kukxwit ttzalaja tu'n tk'ujlalil!
20¿Nky'ajul, sentaq'wi k'okyil ye'ya ti'j jun qya ajpajil?
¿se'n taq'wi kxe'l tq'a' tz'u'li' tib'a te?
21Tokte Qman Dyos twitz ti'ju' tb'inchb'en xjal;
ex kanli twitz janb'eta'.
22Nkub' tz'aqju' b'inchal myab'a'n tojxju' tb'inchb'en;
ax nb'aj t-xwaku'n tib' toju' tb'inchb'en naku'j toj aqwil.
23Kkyimel tu'nx tnab'l;
knajel tu'nxju' t-xnakyil.
Who We AreWhat We EelieveWhat We Do
2025 by iamachristian.org,Inc All rights reserved.
