1Tnejelxi'x kub' tme'ssa'n Qman Dyos Kaliley, kytx'otx' Sab'ulon ex Neptali, nqayin tk'etz kytanam witzleb'il, ntzajx jlajxi' Jordan ex nponx tzmax ttzi ninnjab'; yajxi'tzuntl jaw nima'n.
2Aju' tnam atitoq toj qxopin
til jun nin spik'un;
maqoptz'aj jun spik'un,
kyeju' najlqe'toq toj qlolj.
3Nman Dyos, jun nin tzalajb'il saj tq'o'na;
nimxi'xju' tzalajb'il.
Kykyaqilx nche tzalaj twitza kse'n ajtb'uyet twitz awal,
kse'n kytzalajb'il xjal ajtb'ajx sipa'n txqan ti'xti' kye.
4Qu'n makub' t-xitu'na
yajb'il tib'aju' tnam,
ju' jitz'b'il nche uxin toj,
jni'xju jitz'b'il saj kyi'j.
Kse'n b'aja' t-xitu'na tnam Madyan.
5Che b'eltz'e'ysa'n kyxajab' xjal te q'oj nxi'xtoq che q'ajti
e'xb'alun b'ajni txa'j toj chik'
tu'n kyb'aj toj q'aq'.
6Qu'n matz'itz'ji jun k'wal qxol
matzaj tq'o'n Dyos jun k'wa'lb'aj qe
ex matz'okq'o'n toklen tu'n tkawin.
Che okyel q'o'n tb'i kjalu:
Q'ol nab'l te lab'te'nxi'x, Dyos nimtipumal,
Manb'aj tejumajx, Nimaqkawil te nak'b'il.
7Kb'el qe toj tq'uqb'il Dab'i;
kch'iyelju' tkawb'il toj tkyaqil plaj;
ex lay b'aj ttxa'n nak'b'il
ktenb'elju' tkawb'il wa'lxi'x.
a tq'uqlilju' tnik'alilti'j ex toj tu'me'l.
te ja'lo ex tejumajx
Tu'nju' nimxi'x tk'ujlalil Qman Dyos nimtipumal kb'antela'.
Ttx'u'jil Qman Dyos ti'j kykawb'il aj Israel8Tzaj tq'o'n Qman Dyos jun tpakb'alil
kye aj Israel tyajajil Jakob';
9kykyaqilju' tyajajil Eprayin, najlqe' Samarya,
matxi' kane toj kwitz.
Inkyma'n tuk'i'l nimjtib'il:
10Matxi' che kub' tz'aqju' ladris,
ab'jtzunte' t-xel kjawil qb'incha'ntl.
Matxi' che b'ajkye' tze sikomoro,
k'uteyiletlte' k'ajb'el te ttzeyil, chechij.
11Matxi' tb'inchate Qman Dyos tu'n kyul ajq'oj xob'ajilx;
aku' saj chq'onkye tu'n kyul q'ojil.
12Aye' aj Siryo ẍetzaj toj tjawetzq'ij,
aye'tzu'n pilistey toj tkub'exq'ij.
Jun b'ilq'unx che elila' aj Israel kyu'n.
Na'mxtzun tqenju' ttx'u'jil Qman Dyos,
kukx t-xob'san ja'lo.
13Atzunte' tnam min nanjtzti'j tuk'i'l Qman Dyos, ntz'e'ysante twitz;
mixti'x nkyjyo'n Dyos nimtipumal.
14Qu'mtzun k'elel tjon Qman Dyos
twi' ex tje nimaqkykawb'il aj Israel,
kse'n ajkyjaw tx'emit tut ex ajlaj.
¡jun q'ijx kb'ajila' tkyaqil ja'lu!
15(Atzu' nyolina' twi' kyi'ju' tijwnaq ex nejenel,
atzu'n tje kyi'ju' sanjelal chalyolqe').
16Matxi' che'x kytzpet-sa'n nejenel tnam,
exqe' lepchqe'x mache'x tzpet.
17qu'mtzun min sajlaq tk'u'j Qman Dyos kyi'ju' ku'xun,
ex min sajq'aq'antk'u'j kyi'ju' meb'a ex kyimni kychmil.
Qu'n tyaqilju' tnam min nche niman te Dyos ex pi'sqe'
ex kykyaqil nel kylanu'n kyol.
Na'mx pena' tqen ttx'u'jil Qman Dyos;
kukx t-xob'sanju'.
18Nim taq'unb'en il
kse'n q'aq' nb'aj twan ch'i'x ex k'ul
ex nche b'aj ttz'e'ysa'n tze toj k'ul,
ex sib'tl nche jawt-xon twitz kya'j.
19-20Njayinju' tnam toj q'aq'
tu'n ttx'u'jil Qman Dyos nimtipumal,
kb'el b'aj tu'n q'aq';
kyi'jxju' kyk'wal nche ch'yona'
ex min ntzalaqkyk'u'j kyi'j kyitz'in.
Junte' nwan jun plaj ex min nqe tk'u'j.
juntl nwan jun plajtl ex min nnoj.
21Nche q'ojin tyajajil Manases kyi'j tyajajil Eprayin, exqe' tyajajil Eprayin kyi'j tyajajil Manases,
kykab'ilxtzun ẍemoje ti'j Juda.
Na'mxpetzun tqen ttx'u'jil Qman Dyos,
kukx t-xob'sanju'.
Who We AreWhat We EelieveWhat We Do
2025 by iamachristian.org,Inc All rights reserved.
