Neh 10 - Mam Ostuncalco Bible

1Ayo'qo'ju'ye' lu makub' qq'o'n qb'iye' ti'ju' u'j:

Ayine' Neemiy tk'wal Akaliy, kawil qintoqe'.

Exqe' Sedekyiy,

2Serayiy, Asariy, Jeremiy,

3Pasur, Amariy, Malkyiy,

4Atus, Seb'aniy, Maluk,

5Arim, Meremot, Ab'diy,

6Danyel, Wineton, B'aruk,

7Mesulam, Ab'iy, Mijamin,

8Maasiy, B'ilkay ex Semayiy. Paleqe' ja'lu.

9Aye'tzu'n aj Leb'i:

aye' Joswe tk'wal Asaniy, B'inuy, tyajajil Enadad, ex Kadmyel;

10exqe' titz'in mo ttzik, aye' Seb'aniy,

Odiy, Kyelit, Pelayiy, Anan,

11Mikayiy, Reob', Asab'iy,

12Sakur, Sereb'iy, Seb'aniy,

13Odiy, B'ani ex B'eninu.

14Aye'tzu'n nejenel te tnam:

Aye' Paros, Paat-moab', Elam, Satu, B'ani,

15B'inuy, Askad, B'eb'ay,

16Adoniy, B'ikb'ay, Adin,

17Ater, Esekyiy, Asur,

18Odiy, Asum, B'esay,

19Arip, Anatot, Neb'ay,

20Makpiy, Mesulam, Esir,

21Mesesab'el, Sadok, Jaduwa,

22Pelatiy, Anan, Anayiy,

23Osey, Ananiy, Asub',

24Aloes, Pila, Sob'ek,

25Reum, Asab'na, Maaseyiy,

26Ayiy, Anan, Anan,

27Maluk, Arim ex B'aana.

Txqantl ti'xti' tu'n tb'inchanteju' tnam twitz Dyos

28Aye'tzu'n txqantl xjal, aye' pale, e'aj Leb'i, e'xq'uqil ttzija, eb'itzal, e'ajb'el toj tja Dyos, ex kykyaqilju' matxi'toq tz'el kypa'n kyib' kyi'ju' xjal toju' tnej tx'otx' tu'n kyb'inchante tkawb'il Dyos, junx kyuk'i'l kyxu'jil ex kykyaqilu' kyk'wal ex kymyal intoq che ximantl,

29kymujb'a kyib' kyuk'i'lju' kywitze'l ex kyuk'i'lju' nejenel kye, ex kyma twitz Dyos tu'n kyxi'lpe ti'ju' tkawb'il Dyos ojetoq tma toj ttzi Moyses tmajin, ex tu'n kyjapun b'a'nxi'x kyu'n tkyaqilju' tchaq'b'il, tnuk'b'il ex e'tkawb'il Qman Dyos.

30Qu'mtzun kyma: lay che'x qq'o'nqe' qmyal tu'n kymje kyuk'i'lju' xjal toju' tx'otx' lu, ex lay qaje' tu'n kymjeju' kymyal kyuk'i'lju' qk'wale'.

31Ex ajkyulu' xjal najlqe' toju' tx'otx' k'ayilteju' kyk'a'ẍ ex tkyaqilju' twitz kyawal toju' q'ij te ojlab'l, lay qo loq'one' kye, b'a'ntzun toju' q'ij te ojlab'l mujqa alkyexku' juntl ninq'ij; ex ikx lay qo awane' toj twuqi'n ab'q'i ex che b'elqnajsa'ne' k'as.

32Ex ikx mab'entti'j qu'ne' tu'n qq'onteye' jun tal saqpwaq tkyaqil ab'q'i tu'n kychjetu' ajb'eb'l toju' tja Qman Dyos:

33Tu'n tkub'ju' wab'j twitz Dyos, e'oyaj twitz awal k'ok'e'kywitz inche kub' tkyaqil q'ij, e'oyaj te k'ok'sb'il tkyaqil q'ij, e'chojb'il te q'ij te ojlab'l ex te ak'a'j xjaw, ex kyeju' junjuntl ninq'ij; ex tkyaqilju' oyaj, e'chojb'il tu'n tk'met najsb'il kyil aj Israel, ex tkyaqilju' k'u'lb'il toj tja Qman Dyos.

34Exqepe' pale, e'aj Leb'i ex kykyaqilju' tnam, kse'nx kyajlalju' junjun ja, xiqse'ne' tu'n tel yal alkye tu'n txi' iq'inteju' si k'ajb'el atl junjun ab'q'i toju' tja Qman Dyos toju' tq'ijlalil q'ma'ntl, tu'n ttz'e'yset tib'aju' q'olb'eb'l te Qman Dyos, kse'nxju' tz'ib'a'n toju' kawb'il.

35Ex makyej qna'ne' tu'n t-xiqiq'i'ne' tnejel twitz qawale' ex tnejel kywitz lob'j toj tja Qman Dyos atl junjun ab'q'i,

36ex ikx tu'n kyxi' qi'q'i'ne' tnejel qk'wale' e'tnejel tal qwakyixe' ex tnejel tal qrite' toju' tja Qman Dyos, kywitzju' pale nche ajb'en toju' tja Dyos, kse'nxju' tz'ib'a'n toju' kawb'il.

37Ex makyej qna'ne' tu'n kyxi' qiq'i'ne' tnejel arin, tnejel kywitz tkyaqilu' qtzeye', tnejel qb'ine' ex tnejel qaseyte', kyoju' k'ub'l toj tja Qman Dyos, tu'n tajb'en te o'nb'il kyeju' pale, ex tu'n kyxiqiq'i'ne' tlajoji'n tnej ti'ju' twitz qawale' kye aj Leb'i, qu'n aye' nche k'monte tlajoji'n teju' njaw toju' qkojb'ile'.

38Ajtzun kyxi' aj Leb'i iq'ilteju' tlajoji'n, kxe'l jun pale tyajajil Aaron kyuk'i'l. Aye'tzu'n aj Leb'i kxe'l kyiq'i'n jun tlajoji'n toju' k'ub'l toj tja Dyos ti'ju' tlajoji'n nxikyiq'i'n,

39Qu'n aye' aj Israel exqe' aj Leb'i nche'x iq'inteju' o'nb'il triy, b'in ex aseyt kyoju' k'ub'l jata'qe'ju' ajb'eb'l xjanqe', ex ja ta'qe' pale ate' toj ajb'eb'l, e'xq'uqil ttzija exqe' aj b'itzal. Ex maqtziyaye' tu'n mikyaja' qtzaqpi'ne' tja Qman Dyos.