Sal 53 - Mam Ostuncalco Bible

Kypi'sil xjal(Sal 14)

1Nkyma'nju' xnak toj kynab'l qa mixti'te Dyos,

matxi' che kub' tzpet kykyaqilx,

taq'wixi'xju' kyb'inchb'aj

¡mixti'xte jun inwt b'inchan b'a'n!

2Inka'yintz te Qman Dyos tzmajxtzu' toj kya'j kyib'aju' xjal;

qa ati jun ati tnab'l,

exqa ati jun njyon ti'j Qman Dyos.

3Aye'tzunkye' xjal kykyaqilx matxi' che b'je'l txalpuj,

kykyaqilx ẍekub' tzpet.

¡Mix-a'lo'x jun inwt b'inchan b'a'n!

¡Tk'i'xpe'wt jun!

4Mixti'x kynab'lju' b'inchal myab'a'n,

ate'k walkyeju' ntaname', naku'j kywa

mixpeti'x ntzaj kyna'n Qman Dyos

5Kche lu'lulkye' tu'n xob'il,

maskye mix-a'lo' nxixob'sankye,

qu'n kb'ajel t-sputi'n Qman Dyos kyb'aqilju' ajq'oj.

K'elel kych'ixaw, qu'n che elel ik'u'n tu'n Qman Dyos.

6¡Naqwit tzaju' kolb'ilte Israel

twi'ju' witz Syon!

Ajttzaqpinte Dyos ttanam,

kche tzalajelju' tyajajil Jakob',

tkyaqilju' tnam Israel, chiju' b'itzal