1Kyajwalinktze' Qman Dyos aye'ye' anjl te toj kya'j:
kyajwalinktze' tipumal ex tajwalil,
2kyajwanlinkju'ye' tb'i Qman Dyos,
che k'ulun qe'ye' twitz toju' tja xjan tb'anilxi'x.
3In q'ajti tq'ojq'ojel twi' Qman Dyos tib'aj ninnjab';
tu'n Dyos nim tajwalil nq'ajta':
¡atite Qman Dyos tib'ajile tnimal ninnjab'!
4Inxi'x q'ajtiju' tq'ojq'ojel twi' Qman Dyos kuw;
inxi'x tinun tq'ojq'ojel twi' b'a'nxi'x;
5inche kub' jachju' tq'ob' tze k'ute tu'nju' tq'ojq'ojel twi' Qman Dyos.
¡Inche kub'tjachu'n Qman Dyos tze toj Lib'ano!
6Nche lu'lunju' witz Lib'ano ex Siriyon tu'n;
¡nche t'ikpuj tu'n, kse'nqe' tman wakx ex qpoj tman wakx!
7Intzaj t-xon tq'ojq'ojel twi' Qman Dyos tqan taq' q'aq';
8inche lu'lun chq'ajlaj tu'n tq'ojq'ojel twi' Qman Dyos;
¡tu'n inlu'luna' chq'ajlaj Kades!
9Majx nche b'ajtchto'n tq'ojq'ojel twi' Qman Dyos b'ansi
ex mixti' jun wi'tl tze in kyej tq'o'n toj k'ul.
Kykyaqil nche nimam te toju' tja.
10Ate Qman Dyos in nk'unteju' jb'al;
¡a Qman Dyos nimaqkawil nkawin tejumajx!
11Intq'o'n Qman Dyos tipumalju' ttanam;
ex inkub' tky'i'wla'n tuk'i'l nak'b'il, chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
