Miq CHIK'B'AB'L - Mam Ostuncalco Bible
CHIK'B'AB'LAxjunte Mikey kxolju' kyaje' t-sanjelal Dyos nimaq kyoklen toju' tkab'k'al (siglo VIII) ab'q'i na'mtoq tul Krist, ex junx kyab'q'iyil tuk'i'l Isayiy. Ate Mikey kanlixi'x twitz qa ate Juda, janajla' ex ja npakb'ana' toj kojb'il, ikx kb'ajilteju' kse'nte Israel, k'ik'el ti'j kse'n oje tma Amos (caps. 1-3). Ax tpakb'a Mikey junx kyuk'i'l txqantl t-sanjelal Dyos, aju' kyma tqanil ti'j tz'e'ysb'il witzb'aj tzultoq tu'n Dyos, exju' kpakb'ab'l tib'aju' xjansajtib'il, tnik'alil ti'j ex tu'n ati Dyos tib'aj tkyaqil. Ex nyolin Mikey ti'ju' tk'u'jlalil Dyos: aju' Dyos ntzaj q'onte tz'e'ysb'il witzb'aj ex ax Dyosju' nkub'najsante qil. Qu'mtzun ntma'na' Mikey tqanil ti'ju' mankb'il tq'ijlalil aj kykotpet xjal tu'n Dyos ex aj knajan toj nak'b'il (caps. 4 ex 5). Atzu'n b'ajsb'il teju' u'j lu nyolin ti'j tzak'b'il ex q'uqb'ab'l k'u'jb'aj, tu'nju' nttziya'n Dyos tu'n kykolpetju' xjal tu'n toj il.Ex intma'n tqanil ti'j jun nimaqkawil k'eletz toj tja Dab'i, aju' in nayonjtz ex sk'o'ntl, atzu' k'itz'jela' toj B'elen Eprata (5.2-5a), ex intma'n toj Mt 2.6 ja ntma'na' tqanil ti'j titz'jlen Jesus toju' tnej tx'otx' lu.
