1Kyb'intzpe'ju'ye' lu ex kyq'onk kywi'ye' ti'j,
e'tnam ex kykyaqile' najlqe'ye' toj tkyaqil twitz tx'otx',
2nimaqxjal exqe' xjal mixti' b'a'n kyu'n,
e' q'inun ex e'prow.
3Kchin yolile' tuk'i'l nab'l
che kxe'lnchik'b'a'ne' nimaq nab'l;
4k'okyel nq'o'n nwi'ye' kyi'ju' q'unb'en tuk'i'l nab'l,
ex kxe'l nchik'b'a'ne' tkub' toj nnab'le' tuk'i'l chnab' arpa.
5¿Titi' chin xob'ila'ye'
ajkyul kanunju' tq'ijlalil ch'uẍ,
ajtok txoli'n wi'je'
tu'nju' taq'wix nkyb'incha'n wajq'oje?
6Q'uqlokkye kyk'u'j ti'ju' kyq'inumal
in kla'ji'n kyib' ti'j tkyaqilu' ati kye,
7mixna' a'lo'te' jun okwit kletil tu'nxtib'
exwit tu'n txi' tchjo'n te Qman Dyos tu'n tkletu' tchwinqlal.
8¡Mixti'te jun xjal okwit kb'entel tlq'et tchwinqlal tu'n tpwaq,
9tu'nwt tanq'in tejumajx ex tu'nwt tklet teju' kamik!
10B'i'na' qu'n qa qkyaqil qokyimel,
b'a'ntzun ati tnab'l mujqa xnak,
atzu'n kyq'inumal kjelten te juntl.
11B'a'n qama kyej kyq'o'n kyb'i ti'ju' kytx'otx';
toj muqb'il che tenb'ela'kye'
¡Atzuntzu' che tenb'ela' tejumajx!.
12Lay tz'anq'inte' xjal tejumajx, b'a'nqa nimaq q'inun;
ikyx nkyima' kse'nqe' txkup.
13Ikytzun nche b'aja' xjalju' inok qe kyk'u'j kyi'jx;
exqe' njaw kynima'n kyib' kyib'xkyib'.
14Naku'j ritqe', a kamik k'iklel kyi'j
ex xi'kyxitiq'i'n toj muqb'il.
Ajtzun ttzaj t-xe kya'j,
Che kanb'alju' b'a'n xjal kyib'aj;
chab'a' kb'ajel kyipumal
ex aju' muqb'il k'okyel te kyja.
15Atzunte Qman Dyos kklol weye' te tipumal kamik,
qu'n chin xe'l tiq'i'ne' tuk'i'l.
16Lalun tzaj tb'isa qa a'lo jun majaw q'inumax
exqa matxi' jawtb'incha'n tja achb'ajilxi'x,
17qu'n mixti'te kxe'l tiq'i'n ajtkyim,
ex lay che'x tiq'i'n achb'il ati te toj muqb'il.
18Maskye ma'xi'x tz'achin twitz tx'otx',
exqa nima'nxi'x kyu'n xjal tu'nju' tq'inumal,
19kpomilte' tq'ijlalil tu'n tkyim,
ex lay til jumajtlu' spik'un.
20Lay tz'anq'inte' xjal tejumajx, b'a'nqa nimaq q'inun;
ikx nkyima' kse'nqe' txkup. Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
