Is 16 - Mam Ostuncalco Bible

Nche klon kyib'ju' xjal aj Moab' toj Juda

1Nche tzaj kysma'n qpoj tman rit tzmax toj tnam Sela toj chq'ajlaj,

tu'n kyul tzmax toju' k'ul Syon.

2Ikyqe' aj Moab'ju' ajkyik' toj nin a' Arnon

kse'nqe' pich' sak'pu'jniqe'

nche etz oq toj kyja.

3Inkyma'n kye aj Syon:

Kynk'unqeku' kyxime' tu'n qklete',

kyq'onk kyib'e' klol qeye'.

kynuqpinxe' kyxlekune' toj wanq'ij q'ij,

naku'xwitloj te qonik'an;

kyq'ome' anb'il kyeju' mache b'je'tz xla'ja'n toj kytanam,

lalun che kytzuyju'ye' nche ewan.

4Kyq'ome' anb'il kye nche etz oq toj Moab'

tu'n kyklonte kyib' kyxole'.

kukyoke' te klol kye

kywitzju' b'iyul, chechi.

ajtzun tyank'uju' yalb'il

exqa matxi'toq tzik'ju' xitb'il,

ajkyik'b'etju' q'ojil,

5Jun tyajajil Dab'i kkanb'alteju' kawb'il,

ktkuwsa' tkawb'il tzajni qe toju' tk'u'jlalil.

k'okyel te jun ajkawil tnik'alti'j,

k'okyel tq'o'n kyoklen xjal

ex ktb'incha' tu'n tulju' tnik'alilti'j lwiy.

6Qojtzqi'n nxi'x kynima'n kyib' aj Moab',

Inxi'x jaw kynima'nkyib', tx'yanqe'

ex naqx kyak'a'n nkyla'ji'nkyib'.

7Qu'mtzun kykyaqilju' aj Moab'

che oq'el ti'ju' kytanam;

okxi'x che b'isul, che okyil toj k'ixk'oj

kyu'n ichan aj Kyir-ereset.

8Mache kyej tzqiju' tqan ub'a

kyoju' tnam Esb'on ex Sib'ma,

macheb'aj kyu'n nejenel kye nimaqtnam.

Pomniqe'toq kyq'ob' tzmax Jaser,

matxitoq txi mlen toj chq'ajlaj

ex pomniqe'toq ti'jxi'tl ninnjab'.

9Qu'mtzun nchin oq'e' kyi'ju' tqan ub'a toj Sib'ma,

kse'nkye aj Jaser,

nkub' ta'l nwitze' kyi'je' aj Esb'on ex aj Eleale,

qu'n majaw sich' te q'oj

ti'ju' twitz kylob'aje' ex kyawale'.

10Kb'ajelju' kytzalajb'il kyoj kojb'il;

lay che ẍch'intl xjal tu'n kytzalajb'il

lay che b'itzantl toj tqan ub'a,

ex lay che ytz'ontl ta'l ub'a te b'in.

Layx che ẍch'intl.

11Nxi'x lipan wanmiye' kse'n chnab' arpa

kyi'j aj Moab' ex ti'j Kyir-ereset.

12B'a'nqa mache jax aj Moab' kywi' witz

ex mache kub'san atzu' tzmax ajkysikti,

b'a'nqa mache'x k'ulul toju' tja kydyos,

mixti'xte kknetel tu'n.

13Aye' yol ja'lu tma Qman Dyos kyi'j aj Moab' mab'et-xi' q'ij.

14Lutzun ntma'n Qman Dyos ja'lo:

Toj oxe' ab'q'itl,

kse'n ntajla'n jun aq'unal nanq'in ti'j twi'tk'u'j,

k'elel iq'etju' kyninb'ilkyib' aj Moab',

tu'npetzunju' nim txqan kyb'aj;

naqjte'xtl che kjelten ex mixti' kyipumal.