Sal 142 - Mam Ostuncalco Bible

Aya kolb'ilweye'

1Inchin kub'sane' te Qman Dyos tuk'i'l tq'ojq'ojel nwi'ye' kuw,

inxinqani'ne' kuw tu'n ttzaj q'aq'an tk'u'j wi'je'.

2Inxinchik'b'a'nju'ye yajb'ilweye' twitz Qman Dyos,

twitz nxa' nma'nju'ye' nb'ise'

3Kse'n qa nchin b'isune' b'a'nxi'x.

Nman Dyos, tojtzqi'n teju'ya nb'eye':

matxi' kub' q'o'n jun xpatxab'

toj ju' nb'eye'.

4Inchinx ka'yine' toj nb'a'nq'ob'e'

mix-a'lo'x jun ntzaj klol weye'.

¡Mix-a'lo'x jun tu'n tkolon wi'je'!

¡Mix-a'lo'x jun nb'ajx tk'u'j wi'je'!

5Nman Dyos, twitza nchin kub'sana'ye',

ex nxinma'ne' teya: Ateju'ya kolb'ilweye';

o'kxa q'uqb'al nk'u'je' toj nchwinqlale'. Nchije'.

6B'intzju'ya nkub'sb'ile',

qu'n mixti'tl wipumale'.

Chin tkloma kyeju' ljo'n toj nq'ije' kyu'n,

qu'n nimxi'x kyipumal nwitze'.

7Chin tiq'imitza toju' jitz'b'il weye'

tu'ntzun tjaw nnimsa'na.

Tzul kychmo'n kyib'ju' tnik'alkyi'j nk'etze'

aj tb'inchanteya b'a'n weye'. Chiju' b'itzal.