Tit CHIK'B'AB'L - Mam Ostuncalco Bible
CHIK'B'AB'LOjetoq kyej q'o'n Tito tu'n Pawl toj Kreta, jun xjal mya aj Juda ojetoq tz'okslan te Jesukrist, xiq'ma'n te tu'n tnk'unte aq'untl kyxol okslal toju' najb'il lu. Xittz'ib'a'n Pawl u'j lu te Tito, b'ajx tma'n tnab'l tib'aj chukchaq ti'xti' tu'n tb'inchante. Ikyx u'j ju'lu kse'nqe' b'ajx tz'ib'a'n te Timotey, nim txqan yol tuk'i'l tk'u'jlalil toj.Tnejelxi'x nyolinju' u'j lu kyi'ju' nejelb'a'j kyxol okslal, ti'ju' tu'n kyb'inchante kse'nxju' intma'n toju' u'j xitz'ib'a'n te Timotey (tnej oxe' tqik' jun pomnix toj tqik' oxlajoj: 3.1-13). Ati tu'n tokju' kychwinqlal exju' che najan te jun yek'b'il, tu'nju' nche aq'unan toj tch'uẍal (tnej jun). Ex inxi' oqxena'n te tu'n tk'ayinte kse'n kychwinqlal ex kse'n nche aq'unana' junjun tnej okslal chukchaq kyab'q'i (tnej kab'e') exqa nb'ent kyu'nju' kykyaqil okslal (tenj oxe' xi'ni toj tqik' jun pomni toj tqik' junlajoj). Nb'aj yolinju' u'j se'nqeju' txqantl u'j tuk'i'l tqanil ex junjun q'olb'eb'l kyeju' okslal (tnej oxe' xi'ni toj tqik' kab'lajoj pomni toj tqik' o'lajoj).
