1Ex wile', q'ancha'lix jun naku'j q'uqb'il ex naku'j sapiro tib'ajxi' kya'j, tib'aj kywi' kyerb'in,
2ex xitma'n Qman Dyos teju' ichan tok t-xb'alun Sed kjalu: Kutokxa kyxolju' ttulil karwaj, kyjaq'ju' kyerb'in, ex q'intza jun txab' ttxalq'aq' nk'ant ti'ju' ati kyxolju' kyerb'in, ex chtonxa tib'aju' nintnam, chij.
Ex wile' tej tokxju' ichan.
3Atoqtzu' ta'qe' kyerb'in toj tnayajkya'j teju' tja Dyos toju' kmuj lu, ex noj toju' pe'n tu'n jun muj.
4Jawxtzu'n tajwalil Qman Dyos kyib'aju' kyerb'in, xi'tzuntz tu'me'lju' qokyex toj tja Dyos; ex noju' tja Dyos tu'n muj, atzu'n twi' tpen kub' spik'e' tu'n t-spik'umal tajwalil Qman Dyos.
5Q'ojq'oj kyxik'ju' kyerb'in tzmaxtzu' twi' pe'n ti'jxi'. Naku'j a Dyos nimtipumal nyolin.
6Tchaq'tzun Qman Dyos teju' ichan tok t-xb'alun Sed tu'n tetztiq'i'n q'aq' kyxolju' ttulil karwaj, kyxolju' kyerb'in. Xi'ju' ichan ex okten tk'etz junju' tul.
7-8Q'ancha'lix jun naku'j tq'ob' jun xjal kyjaq' kyxik'ju' kyerb'in. Xitnuqpi'n jun kyerb'in tq'ob' ti'ju' q'aq' atitoq kyxol, jawtiq'in ch'i'n ex kub' tq'o'n toj tq'ob'ju' ichan tok t-xb'alun sed, tzajtzun ttzyu'n ex xi'tzuntz.
9Wile' kyaje' tul kyk'etzju' kyerb'in, junjun tk'etz junjunkye. Inche qoptz'aju' tul kse'nqe' ab'j topasyo.
10Junelniqe' kyaje' tul ex naku'j tokxu' jun tojxi' juntl.
11Ajkyxib'etju' kyerb'in toj junju' kyaje' tu'me'l, mixti' tu'n tanjtzkyi'j, ljo'nx kyb'e jaxu' ljona' tb'eju' nejli.
12In qoptz'ajile kyi'j toj tkyaqil plaj, e'kyxmilal, kytze'lkyi'j, e'kyq'ob' exqe' kyxik', ex ikxqe' kyaje' kytulil.
13Ex nb'iye' axtoq kyb'i tulju' nok q'o'n karwaj.
14Teyile junjun kyerb'in ati kyaje' kyilb'ilal: aju' tnejel kyilb'il kse'n ka'yin jun tman wakx; atzu'n tkab' kse'n ka'yin jun ichan; atzu'n toxi'n kse'n ka'yin jun b'alun; atzu'n tkyaji'n kse'n ka'yin jun t'iw.
15Aye'xkye kyerb'in ju'lu ojetoq che nka'yiye' ttzi nin a' Kyeb'ar.
Ejaw lq'eju' kyerb'in lu,
16ex tej kxi'lq'e, ikyqe'xju' kytulil e'xi' kyuk'i'l; ex tej njaw kyiq'in kyxik' tu'n kyjaw lipan twitz tx'otx', ikyqe'xju' kytulil min kyaj kypa'n kyib' kyi'j;
17Ajkywe', ex ikx nche we'ju' tul; ex ajkyjaw lipan ex ikx nche jawju' tul, qu'n majxtoq iqa'mile kyib'ju' tul kyi'j.
18Jawtzu'n tajwalil Qman Dyos tib'aju' tja Dyos ex xi'kub'aten kyib'aju' kyerb'in.
19Jawkyiq'i'n kyxik' ex eb'jaw lipan tib'aju' tx'otx'. E'wile' se'ntaq'wi kyjaw, kyuk'i'lxi' tul ktxlaj, ex se'ntaq'wi kywe' tib'aju' ttzi tja Dyos toj tjawetzq'ij. Atitoqju' tajwalilju' Qman Dyos kyib'aj.
20Aye'xju'lu ojetoq che wile' naku'j xjalqe' ati kyxik' ate'qe'kx tjaq'ju' Qman Dyos, ttzi nin a' Kyeb'ar. E'wiltzuntze' se'n kyten.
21Teyile junjun ati kyaje' che ka'yin ex ati kyaje' kyxik', ex nche q'ancha'lin naku'j tq'ob' xjal kyjaq'ju' kyxik'.
22Ikx che ka'yinju' se'nqe' naku'j xjalqe' ati kyxik' ojetoq che wile' ttzi nin a' Kyeb'ar. Teyile junjun xinb'eta' twitzxi'.
Who We AreWhat We EelieveWhat We Do
2025 by iamachristian.org,Inc All rights reserved.
