1Aya k'ik'lel kye aj Israel,
in t-ẍaqlu'na tyajajil Jse kse'n jun k'loj rit,
ati tq'uqb'ila kyib'aju' kyerb'in,
¡qo' tb'itza!
¡Q'aq'antz tk'u'ja kyi'ju' kyyajajil Eprayin,
2B'enjamin ex Manases!
¡Na'ntztib'a ex kuttzaja klol qeye' tuk'i'l tipumala!
3Nman Dyos,
¡Anjsama qi'je' tu'n qokye' kse'n tnejel!
¡Qo' tka'yitza tuk'i'l tk'u'jlalila tu'ntzun qklete'!
4Nman Dyos, nimtipumala,
¿jtoj q'jenju' ttx'u'jila
tu'n ttzaj tb'i'na tna'j Dyos ttanama?
5Matxi' tzaj tq'o'na b'is te t-xel qwaye';
ex ta'l qwitze' te t-xel qk'wa'ye'.
6Matxi' qo oktq'o'na te kyxmayb'ilju' qb'esine',
ex inche tze'nju' qajq'oje' qi'je'.
7Nman Dyos nimtipumala,
¡Anjsama qi'je' tu'n qokye' kse'n tnejel!
¡Qo' tka'yitza tuk'i'l tk'u'jlalila tu'ntzun qklete'!
8Etz ti'na junwi' lob'j ub'a toj Ejipt;
eb'je'x t-xla'ja'na xjal nche niman kye txqantl dyos toj kytx'otx', tu'n kypon tq'o'na toj.
9B'aj t-ẍtilsa'nju'ya tx'otx' te,
atzu'n junwi' lob'j lok'an ex noj twitz tx'otx' tu'n.
10B'aj tktxu'n k'ul tu'n tewun,
exqe' nimaq tze eb'aj ktxet kyu'n tq'ob'.
11Eb'ajx lik'j tzmax tib'aj ninnjab',
exqe' t-xul e'pon kanun tzmax toju' nin a' Ewprates.
12¿Titiqu'n xkub'a' t-xitu'nju'ya tapi ti'jile,
naq tu'n kyel t'uxi'n twitz ub'a kyu'n xjal nche b'et toj b'e?
13Tokju' tb'och k'ul yajulte;
¡nche oktenju' tojk'ul txkup walte!
14B'inchama xtalb'il, Dyos nimtipumala, kutanjtz ti'ja;
ka'yintza b'a'nxi'x tzmax toj kya'j
ex q'aq'antz tk'u'ja ti'ju' wi' lob'j lu,
15ti'ju' tqan lob'j aku'ya ku'x awante,
ti'ju' t-xul aku'ya kyej q'onte.
16Tu'n ttx'u'jila
xitu'nqe'ku'ya ate'k tx'emulte ex tz'e'ysalte;
17atzu'n ichan xjaw t-sk'o'na onima,
ju' t-xul ichan aku'ya kyej q'onte,
18ex lay tz'el qpa'ntl qib'e' ti'ja.
¡Q'ontza qchwinqlale', ex o'kxtzu' qo kub'sala'qe' twitza!
19Nman Dyos nimtipumala,
¡Anjsama qi'je' tu'n qokjumajltle' kse'n tnejel!
¡Q'aq'antz tk'u'ja qi'je' tu'ntzun qklete'! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
