1Ate Qman Dyos spik'un ex klol weye',
¿altzun qe chin xob'ila'ye'?
Ate Qman Dyos nklonte nchwinqlale',
¿altzun qe chin xob'ila'ye'?
2Aye' aj il exqe' ju' wajq'oje,
ajtb'aj kb'u'yi'n kyib' tu'n kq'ojin wi'je' ex tu'n nkub' kb'yo'ne';
aye'pekye inche jaw trakpuj ex inche kub' tz'aq.
3Maskye matz'ok kytxoli'n kyib'ju' xjal q'ojil wi'je',
lay chin xob'we';
b'a'ntzun qa makyb'inchakyib' tu'n kyul q'ojil wi'je'
q'uqliwe' nk'u'j.
4Noq jun ti'xti' matxi' txi' nqanine' te Dyos,
noq jun ti'xti' wajb'ile':
tu'n ntene' toj tja Dyos
toj tkyaqilju' nchwinqlale',
tu'ntzun nk'ulune' te, toj tja
ex tu'n toknka'yi'nju'ye' tajwalil.
5Ajtzun tulju' tq'ijlalil myab'a'n,
kchin kletile' tja;
ex tjaq'ju' t-xlekumal kchin tenb'ila'ye'.
¡Ex tib'aj ju' pik chin kletela'ye' tu'n!
6Oktzun kjawil wi'n nwi'tzu'ye'
kyib'aj wajq'oje;
kchin xe'ltzuntze' q'ol chojb'il toj tja Dyos,
ex kchin ẍch'ile' tu'n tzalajb'il, ex chin b'itzale' te Qman Dyos.
7inchin kub'sane' twitza Wajaw: chin tb'itza.
Q'aq'antz tk'u'ja wi'je', ¡chin ttzaq'wetza!
8Intma'n wanmiye' weye' kjalu:
Jyoma Qman Dyos.
Qu'mtzun Wajaw, inchin jyone' ti'ja.
9¡Lalun txi' tewa'ntib'a nwitze'!
¡Lalun chin nel tik'u'na tuk'i'l ttx'u'jila!
¡Qu'n o'kxta onilweye'!
Lalun chin kyej tq'o'na njunale' mixti' kolb'ilweye',
qu'n a na'ta Ndyose' ex klol weye'.
10Maskye machin kyej kykolb'e'ne' nmane' ex ntxuye',
aya Nman Dyos, kxe'l ka'yinweye'.
11Nman Dyos, yek'untza tb'eya weye';
chin t-ẍaqluma toju' tb'eya b'a'n
noqx tu'n kpaju' wajq'oje;
12lalun taja tu'n nkub' tz'aqe' toj kyq'ob',
qu'n matxi' jawkyi'nkyib'
tziyal chalyolqe' ex mya'lqe' wi'je'.
13Ayintzunwe' q'uqlixi'xwe' nk'u'j
qa k'okyel nka'yine' t-xtalb'il Dyos
toju' nchwinqlale'.
14¡Qek tk'u'ja ti'j Qman Dyos!
¡Tenx tipumala, lalun kub' numja!
¡Axxi'x, qek tk'u'ja ti'j Qman Dyos!, chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
