1¡Ate Qman Dyos nimaqkawil!
¡Atiju' tq'uqb'il kyib'aju' kyerb'in!
Che lu'lunwtju' nimaqtnam, ex tkyaqilju' tx'otx'.
2Nimte Qman Dyos toklen twi' witz Syon;
ati toklen Qman Dyos kyib'aj kykyaqil tnam.
3Ajwalinjtzxwitju' tb'i nim toklen ex xob'ajilx;
¡Xjante' Dyos!
4Jun Nimaqkawilta nimtipumala ntk'u'jla'na tnik'alti'j;
aku'ya kyej q'onte junelni kyoklen xjal.
Matxi' tb'inchaya tnik'alti'j ex ttxolilti'j
kyeju' tk'wal Jakob'
5¡Kyajwalinktze' Qman Dyos,
ex che mejeku'ye' t-xe tqan!
¡Xjan te Dyos!
6Ate' Moyses tuk'i'l Aaron kyxolju' tpale;
atzunte Samwel kyxolju' e'jaw ajwalinte tb'i.
Intoq tzaj ttzaq'we'n Qman Dyos kye
aj txi' kyqani'n o'nb'il.
7Yolin Dyos kyuk'i'l
tzmax toju' jun tnej muj,
ex e'japunju' tchaq'b'il kyu'n
exju' kawb'il tzaj q'o'n kye.
8Taye, Nman Dyos, ¡intoq che tzajttzaq'we'na!
Kub' tnajsa'nju'ya kyil,
ex kub'ttz'e'ysa'na kywitz tu'n tpaj kyil.
9Kynimanktze' Qman Dyos,
¡che mejeku'ye' twi'ju' witz xjan te Dyos!
¡Xjante' Qman Dyos, ju' Dyos Manb'aj! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
