1Tokju' il jask'ulte toj tanmiju' b'inchal myab'a'n.
Mixti'xtzun nximan
qa ati tu'n qxob' te Dyos.
2Toj twitz qa b'a'n tu'n tjaw nima'n,
exqa lay tz'el ik'o'nju' til.
3Taq'wix yolin ex chalyol,
matz'el tzpet tnab'l, ex mixti'tl ntb'incha'n.
4Kse'n kuẍli toj tkuẍb'il, innaq'wi ximal tu'nt-xi' b'inchalte myab'a'n;
matxi' nq'et toju' tb'e myab'a'n
ex min tajb'il tu'n tkyej ttzaqpi'nju' il.
5Atzunta tk'u'jlalil, Nman Dyos, nimxi'x, npon tzmax twitz ẍkul kya'j;
in nik'ju' tyola tzmax tib'ajxi' muj.
6Ikyqe' tkawb'ilju'ya kse'nqe' nimaq witz;
ikyqe' tchaq'b'ilju'ya kse'n ninnjab' nim t-xe.
Nman Dyos, nche t-xq'uqi'n teju'ya xjal ex alu'mj.
7¡Tb'anilxi'xju' tk'u'jlalila Nman Dyos!
¡Nkyjyo'n xjal kolb'ilkye tjaq' t-xik'a!
8Ex majx nqe kyk'u'j
tu'nju' nim wab'j ati toj tjaya;
nxitq'o'na kyk'wa' ti'ju' nin a' tchi'yalxi'x,
9qu'n ti'jta ta'ya'ju' a' te chwinqlal
ex in qka'yi'nju'ye' spik'un toju' t-spik'umala.
10K'u'jlana kukxju' ex b'inchama tnik'alilti'j
kyeju' ojtzqi'na kyu'n,
kyeju' tnik'alkyi'j twitza.
11Lalun taja tu'n nkub' wab'e'ne' kyu'nju' nimal kyib'
ex tu'n lalun chin b'aj kyxt'u'yla'ne' b'inchal myab'a'n.
12¡Kyka'yinxe' se'ntaq'wi nche kub' tz'aqju' b'inchal il!
¡Majx nche kub' tz'aq tu'n lalun che jawe'tl!, chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
