Flm CHIK'B'AB'L - Mam Ostuncalco Bible
CHIK'B'AB'LTetzunj jpu'ntoq Pawl, okyal jun lq'o'n majen tu'n toj kars, Onesimo tb'i, aq'wi yolil tuk'i'l ex okten pakb'alte tyol Dyos te, atzuntzu' okslana' ex ajb'en onilte Pawl. Oninju' wnaq lu ti'j Pawl, naqtzun aju' kykawb'il aj Rom ilti'jtoq tu'n tanjti'j tk'etz tajaw. Atzunju' tajaw Onesimo okslaltaq ex atoq tb'iju', Pilemon, nimtoq toklen ex axtoq jun kyxolju' okslal aj Kolosas, ex ojtzqi'ntoq tu'n Pawl. Tetzunj tanj q'o'n ti'ju' lq'o'n majen lu tk'etz Pilemon, xittz'ib'a'n Pawl jun u'j te Pilemon ja nxitkub'sa'na' te tu'n tk'monte Onesimo b'a'n ex tu'n lalun tz'ok tq'o'ntl te jun lq'o'n majen, tu'n toktq'o'n te titz'in mo ttzik k'u'jlanxi'x toj okslab'l.Aju' u'j lu nyolin ti'ju' axx, ti'ju' tu'me'l yol, ti'ju' yol te q'olb'eb'l ex ti'ju' tk'u'jlalil: Min aq'wite Pawl yolil ti'ju' toklen Pilemon tib'aj Onesimo. O'kxte xitma'nju' te Pilemon toj tb'i jun kawb'il nimaqxi'x toklen, aju' tib'aj tk'u'jlalil kyxol okslal.
