Is 46 - Mam Ostuncalco Bible

1Inkub' majtz'uju' dyos B'el,

atzu'n dyos Neb'o nkub' tz'aq twitz tx'otx'.

Ti'j chej nche'xa' iqa'na' witzleb',

ex majx alqe' kyeju' alu'mj siktenilqe'.

2Inche kub'majtz'uju' dyos ex nche kub' tz'aq twitz tx'otx'

mixti' nb'ent kyklontekyib',

aye'xjuntlkye nche'xq'i'n toj juntl tnam.

3Chin kyb'intzpe'ye', tyajajil Jakob',

kykyaqile' ate'xe' kyxol aj Israel:

Iqa'qe'kye' wu'ne' na'mxtoq kyitz'jiye';

chle'nqe'ye' wu'ne' toj nq'ob'e',

4ex ayinxweju'ye' ajkytijine';

kukx kyxi' nka'yi'nju'ye' ajt-saqax kywi'ye'.

Ayine' nb'inchankyeye', ex che jawil wiqa'ne' kukxju';

che kxelnka'yi'ne' ex che nkla'ye'.

5¿Alkye juntl kse'n ayine' toj kywitze'?

¿alkyetzun juntl qa ikychin ka'yinju'ye' kyeye'?

6Ate' xjal nim q'anpwaq njatzkyiq'i'n toj kyb'ols,

ex nche mlon saqpwaq toj tqan peẍ;

nxi'kyab'tzi'ntzuntz te jun b'inchal tilb'ilal tu'n tkub' tb'incha'n jun kydyos

tu'n kykub' meje twitz ex tu'n kyk'ulun te.

7Nxikyiqa'n ti'j kyqul, nche'xtzuntz tuk'i'l;

nkub' kyq'o'n tib'aj jun tq'uqlil

axtzuntzu' nkyeja' ten, mixti'te ntyukcha'ntib' toj junplajtl.

B'a'nqa nche ẍch'in nche qani'n o'nb'il te, mixjun nche tzaj ttzaq'we'n

ex min nche tklo'n toju' yajb'ilkye.

8Kyna'nku'ye' lu, aj il,

lalun b'jo'ktojkywitze', kyximanku'xi'xe';

9kyna'ntzju'ye' oje b'aj atxi'x ojtxi'.

Ayinwe' Dyos ex mixti' juntl;

Dyos qinwe', ex mixti' juntl kse'n ayine'.

10Q'ma'n tqanilju' b'ajsb'il wu'ne' atxi'x nejtl;

q'ma'n tqanilju' tzul wu'ne' atxi'x ojtxi'.

Ajnmantewe': Inche japunju' nxime';

knb'incha'we' tkyaqilju' makub' nxima'ne'.

11Matxi' tzaj ntxko'ne' jun xjal toj tjawetzq'ij,

ktzajel najchaq kse'n jun t'iw

ex che tb'incha'ju' nxime'.

Oje nmaye' ex knb'incha'ye',

matxi' b'ajkub'nxima'ne' ex kjapumel wu'ne'.

12Chin kyb'intze', xjal ch'uẍ kyanmiye',

ju' nkyxima'ne' qa layx che klete':

13Naqaku' ta'te' kolb'il wu'ne';

lwiy tzulte' kolb'il, mya najchaq ta'te'.

Ktzajel nq'o'nwe' kolb'il tib'aj Syon,

tzul nq'o'ne' wajwalile' toj Israel.