1Nky'ajul, b'inxju'ya nyole';
che kyajxju' nchaq'b'ile' toj twi'ya.
2B'inxju'ya ntma'nju' nab'l
ex xonk tk'u'ja tu'n tel k'atza.
3Qaninxa tu'n tkyaqil tk'u'ja
tu'n tel k'atza ex tu'n t-ximana tojxi'x tu'me'l;
4Q'onk tilila tu'n tjyonteya,
naku'xwitloj njyona ti'j saqpwaq mujqa ti'j jun k'uwenj e'wa'n.
5Kkaneb'iltzuntz toj twitza tu'n tnimana te Qman Dyos;
¡K'eleltzun tnik'tza ti'j Qman Dyos!
6Qu'n ate Qman Dyos ntzaj q'onte' nab'l;
toj ttzi netza' nab'l ex ojtzqib'l.
7In oninte Qman Dyos ex nkolon
kyi'ju' nche anq'in toj tnik'alti'j ex mixti' kytzakajil;
8Nche'x tka'yinju' nche b'et toj tnik'alti'j,
ex nkolon kyi'ju' njapun tyol kyu'n.
9Ex k'elel tnik'a ti'ju' ttzinunal ex tnik'alilti'j
ex a ktb'incha'ju'ya b'a'n kukxju',
10ktenb'il nim tnab'la
ex ktnik'b'e'ya tchi'yal ojtzqib'l.
11Qa ati tnab'la ex b'a'n t-ximanteya
xq'uqi'n ttena kukxju';
12Aye'tzun che klolteju'ya teju' tb'eyil myab'a'n
ex kyeju' xjal nche xitun tu'n kyol,
13kyeju' nelkypa'n kyib' ti'ju' tb'eyil b'a'n
ex nche'x toju' tb'eyil qxopin,
14nche tzalaj toju' myab'a'n nkyb'incha'n
ex nkub' kytzalajsa'n kyb'inchb'en taq'wix,
15nche b'et kyoju' taq'wix b'e
ex matxi' che eltxalpuj ti'ju' b'a'n b'e.
16Ex kkletela tu'n nab'l teju' qya ati tchmil,
chab'axi'x nxmoxon ex tb'anil tyol te juntl ichan,
17nkyaj tkolb'e'n tchmil mje tuk'i'l txinxtoq
ex nik'tna'lju' tyol ttziya twitz Qman Dyos.
18Alkyete matxi' tjaju' qya lu
toj tb'eyil kamik nb'eta';
19aye'ju' nche'x tja layx tz'anjtztlkyi'j,
layx che pon jumajtl toju' tb'eyil chwinqlal.
20Qu'mtzun b'eta toju' b'a'n b'e,
ex tz'anq'ina kse'nqe' tnik'alkyi'j.
21Qu'n b'a'n che anq'ila'kye' tnik'alkyi'j ex b'a'n kychwinqlal
kukxju' twitz tx'otx';
22aye'tzu'n b'inchal myab'a'n ex nche jawmiltz'uj
che jawil xb'oqi'n ex che b'je'lex xon.
Who We AreWhat We EelieveWhat We Do
2025 by iamachristian.org,Inc All rights reserved.
