2 P CHIK'B'AB'L - Mam Ostuncalco Bible
CHIK'B'AB'LAju' u'j lu nyolin kye kykyaqil okslal. Nimtoq myab'a'n xnaq'tzal matxitoq tz'okx kyq'o'n kyib' kyxol okslal toju' tq'ijlalil lu ex teqe'ktoq chukyilkye okslal tu'n juntl xnaq'tzb'il. Atzunju' kub' tz'ib'ante u'j lu nokten kuwsalkye okslal toju' kyokslab'l ex toju' xnaq'tzb'il ojetoq kyk'am kyeju' eb'jo'k ka'yinte Qajaw tu'nku' kywitz. Atzu'n juntl xnaq'tz'b'il intoq kyq'o'n xjal lu aju' ntma'n qa lay tzul jumajtlu' Qajaw, qu'n ma'toq b'et q'ij, ex mixti'x nul.Xi' nyolinaxi'xju' kub' tz'ib'ante u'j lu ti'ju' ti'xti' b'a'n toj kychwinqlal okslal: kse'n tokslab'l, b'a'n chwinqlal, nkane toj twitz, ntjk'u'ntib', nten tpasens, nk'ulun te Dyos, ntk'u'jla'n titz'in mo ttzik axxi'x (tnej jun). Ex nche'x tpoqo'n myab'a'n xnaq'tzal (tnej kab'e') ex nb'aj yolin ti'ju' tulil jumajtl Jesukrist, innokten chik'b'alte qa axxi'x tzul jumajtl, ntchik'b'a'n qa tu'nju' tajb'il Dyos tu'n tq'onte anb'il kyeju' xjal na'm tanjtzti'j kyanmi ex tajb'il Dyos tu'n kyetz tjaq' il, qu'mtzun na'mx tula' (tnej oxe').
