Ez 15 - Mam Ostuncalco Bible

Ikyqe' aj Israel kse'n junwi' ub'a mixti'x tajb'en

1Tzaj yolin Qman Dyos weye' ex tma:

2¿Ti'tzu'n tb'anilju' tqan lob'j ub'a

kyetwitzju' tze nb'je'l kyi'j nimaq tze?

3Mixti'xte' tajb'enju' tqan,

¡tk'ixpe'wt te jun tqan sab'l tx'ajinj!

4Naqxte si tu'n tajb'ena'.

Ex ajtb'aj tz'e'yju' tq'ob' tu'n q'aq'

ex ajttxalq'aq'ixju' toj nky'ajchaq,

mixti'tl k'ajb'ela'.

5Mixtoqpena' tiẍ tajb'en

kse'nxtoqu' tten nejtl,

¡mixyate' ja'lo tz'e'ynaqtl

mixti'x tajb'en!

6Qu'mtzun inma'ne', ayine' Dyos Manb'aj:

Ikytzu'n kse'n tqan lob'j ub'a

nnokxq'et toj q'aq' tu'n tk'ant,

ikyxtzu'n che okyex nq'o'ne' xjal

najlqe' toj Jerusalen toj q'aq'.

7Chin okyele' ajq'oj kyi'j.

Kb'entel kyklonte kyib' te jun q'aq',

tu'ntzun juntl q'aq' che b'ajela'.

Ajtzun wokye' te kyajq'oj,

k'eleltzun kynik'tze' qa ayine' Dyos Manb'aj.

8Kjeltenju' kytx'otx' naq jun chq'ajlajtl wu'ne',

tu'n tpaju' min xkyb'inchaju' wajb'ile'.

Ayine' Dyos Manb'aj nchin q'mante, chi Dyos.