1Chi Qman Dyos teju' ttanam kjalu:
Israel, tej ikyqe'toqu'ye' kse'n jun k'wal,
intoq che nk'u'jla'ne'.
E'etzwiq'i'ne' toj Ejipt, qu'n nk'wal qena'ya.
2Tetzu'n nchin txokone' kyi'je',
xi'pe' nela' kypa'ntl kyib'e' wi'je'.
Ntanam, xi' nche q'ona'tl chojb'ile' kyeju' mya dyosqe'
ex nkub' kypati'n sturak kywitz witzleb'.
3E'xipe' nxb'etza'ne' tnam Israel
ex e'xinxnaq'tza'ne' tu'n kyb'ete';
aye'tzunkye' min kane toj kywitze' qa nchin xq'uqine' kyi'je'.
4E'tzaj nlaq'b'a'ne' nk'etze'
tuk'i'l tlaqb'il nk'u'je' ex nk'u'jlalile',
e'oknlaq'b'a'ne' ti'j ntziye';
naku'j ne'ẍ tzma nch'u'n;
kub' nq'o'ne' kywaye',
5Aye'tzunkye' min kyaje' tu'n tanjtzkyi'je' wuk'i'le'.
Qu'mtzun k'anjel jumajtlkyi'je' Ejipt,
ex kkawil Asirya kyib'aje'.
6Tzul q'oj kyi'ju' nimaqkytaname'
ex che b'ajelju' kyjaye' kuwsa'n,
che b'elb'ajsa'ne' tu'n tpaj kyxime' myab'a'n.
7Matxi' tz'el kypa'n kyib'e' wi'je' ntanam;
xi' toka'tl kywitze' kyi'ju' mya dyos qe' ex min nb'ent kyonin kyi'je'.
8¿Se'n taq'wi ajkykyaj nkolb'e'ne' Eprayin?
¿Se'ntaq'wi ajkykyaj ntzaqpi'ne' Israel?
¿Ma che kb'el nxitu'ne' kse'n tkub' nxitu'ne' nintnam Adma,
mujqa tu'n nb'inchanteye' kyeye' kse'n nb'inchaye' te Seb'oyim?
¡Inlaqjwe' nk'u'j kyi'je',
ex nche exch'yone' toj nk'u'je'!
9Lay tzajtl ntx'u'jile' kyi'je':
lay che kub' nxitu'ntle',
qu'n ayine' Dyos Manb'aj, mya jun xjal qine',
Xjan qinwe' ex atinqine' kyxole',
ex min ẍinule' xitulkyeye'.
10Kchin tzanule' kse'n jun b'alun,
aye'tzunkye' che nimale' weye'.
Kchin tzanule', che b'ju'ltzuntze'
nxi'x che lu'lune' ajkytzaje' te tkub'exq'ij nwitze'.
11Naku'j pich' qe'ye' nche lu'lune' ajkytzaje' Ejipt;
naku'j xu'ch qe'ye' ajkytzaje' Asirya;
che najal jumajtle' toj kyjaye' wu'ne'.
Ayine' Dyos Manb'aj nchin yolin.
Kyil ttanam Dyos12Matxi'xi'x che chanyole' weye' Eprayin;
matxi'xi'x chin kub'kysb'u'ne' Israel.
Ikx qe'tlkye' aj Juda matxi' tz'el kypa'n kyib'e' wi'je',
qu'n inxi'x che k'ulune' kywitz witzleb'.
Who We AreWhat We EelieveWhat We Do
2025 by iamachristian.org,Inc All rights reserved.