1In nk'u'jla'ne' Qman Dyos, qu'n matxi' che tzaj tb'i'nju' nkub'sb'ile',
2qu'n machin tzajtb'i'ne'.
¡Kchin kub'sale' te toj tkyaqil nchwinqlale'!
3Tej nna'nteye' tipumal kamik,
tzaj k'ixk'oj wi'je' ex nb'isune'
ex njaw xob'e' teju' muqb'il.
4Tzajtzun nna'ne' tb'i Qman Dyos
xinkub'sa'ne' te tu'n tklonte nchwinqlale'.
5Tnik'alte Qman Dyos ti'j ex in q'aq'an tk'u'j;
che'wte Qman Dyos tk'u'j.
6Xq'uqi'n qekye' mixti' kyoklen tu'n Qman Dyos.
Intkole' tej mixtoqti' wipumale'.
7oktzun qeb'el nk'u'je' ja'lo
qu'n majx b'a'nte Qman Dyos weye',
8qu'n machin tkole' te kamik,
min xtaj tu'n woq'e' ex tu'n nkub' tz'aqe'.
9Chin nimale' te Qman Dyos
kyxolju' xjal twitz tx'otx'.
10Ati toqwe' wokslab'l
tu'npetzu'n intoq nma'ne' qa nimtoq yajb'il wi'je'.
11Intoq chin b'isune'
nmaye' qa kykyaqil xjal chalyolqe'.
12¿Ti'xi'xti' kxe'l nq'o'ne' te Qman Dyos
te tu'me'l t-xel tkyaqilju' b'a'n matxi' tb'incha weye'?
13¡Kjawil nnima'ne' Qman Dyos qu'n machin tkole'
ex chin kub'sale' toj tb'i!
14Che nb'incha'ye' nyole' xi'ni ntziya'ne' te Qman Dyos
kwitz kykyaqilju' ttanam.
15Nimte' toklen toj twitz Qman Dyos
ajkykyimju' nche niman te.
16¡Nman Dyos, tmajen qina!
¡Ayine' talju' tmajena qya!
B'je'l tlaqu'na aqwil k'lo'nqintoqe' toj.
17Kxe'l nq'o'ne' chojb'il te aq'b'il chjonte teya,
ex chin kub'sale' toj tb'iya Nman Dyos.
18Che japumelju' nyole' xi'ni ntziya'ne' te Qman Dyos
kywitz tkyaqilju' ttanam,
19twi' tpenju' tja Qman Dyos
¡tnk'ejchaqila Jerusalen!
¡Ajwalinjtzxwit Qman Dyos! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
