Sal 6 - Mam Ostuncalco Bible

Na'j Dyos toj k'ixk'oj

1Nman Dyos,

lalun chin ttzak'uya tuk'i'l ttx'u'jila,

lalun kub' ttz'e'ysa'na nwitze' toj tq'oja.

2Nman Dyos, q'aq'antz tk'u'ja wi'je',

qu'n mixti'tl wipumale'.

Chin tq'anama Nman Dyos,

qu'n inxi'x ch'yon tkyaqil toj nwinqile'.

3¡Nchin lu'lune' tu'n xob'el!

Nman Dyos, ¿jtojtzun tzula?

4Kutzaja Nman Dyos, ¡chin tkloma!,

¡chin tkloma tu'n tk'u'jlalila kukxju'!

5Mixti' jun xjal kyimnitl tzulwit na'ntla tu'n;

¿alxi'xwitlokye knimalteya toj muqb'il?

6Matxi' chin siktiye' tu'n woq'e'.

Inxi'x exta'l nkuẍb'ile' tu'n woq'ele' atl junjun qonik'an

ex nxi'x ex ak' nq'axweye' tu'n ta'l nwitze'.

7Matxi' che kub'sjumjixju' nwitze' tu'n k'ixk'oj;

¡matxi' che kub' b'o'lj naq tu'n kpaju' wajq'oje!

8¡Kypa'mil kyib'e' wi'je', b'inchal taq'wix,

qu'n matxi' tb'ite Qman Dyos woq'ele'!

9Matxi' tb'i te Qman Dyos nkub'sb'ile,

¡matxi' tk'amju' nna'j Dyose'!

10Che b'elb'aju' wajq'oje tu'n kyxob'el,

majx che kb'el ch'ixwi;

¡naq toj jun kmujx che oqel tu'n kych'ixaw! chiju' b'itzal.