1Ichan, b'itzanxju'ya b'itz te kyimni lu kyeju' nimaqkawil toj Israel:
2Jun b'alun toqju' ttxuya
najlitoq kyxol b'alun.
Kub' tb'incha'n tpaqb'il kyxol,
atzuntzu' ẍetch'isaya' tal.
3Juntzunju' kub' tch'isa'nxi'x
mach'iy b'a'nxi'x.
Mab'ent tu'n tkub' t-ẍilu'n tchi',
ex nche'x tch'yo'n xjal.
4Kyb'iju' nimaqtnam nyolinjtz ti'j;
tzyet kyu'n xjal toj jun xpatxab',
ex xijowowon kyu'n tu'n jun ch'ok
tzmaxtzu' toju' tnam Ejipt.
5Atzunj tka'yinteju' ttxu b'alun
mixti'tlju' jaq'uqla'toq tk'u'j
tzaj tiq'inju' juntl tal
ex onin ti'j tu'n tch'iy b'a'nxi'x.
6Tej ttch'iy b'a'nxi'x te jun nin b'alun,
inxi' ex nanjtzti'j kyxol b'alun.
Ex b'ant tu'n tkub' t-ẍilu'n tchi',
ex intoq che'x tch'yo'n xjal.
7Intoq che Kub' tb'yo'n xjal kyoj tja nimaqkawb'il
ex ntoq che kub' t-xitu'n nimaqtnam;
intoq che jawlu'lun kykyaqil xjal twitz tx'otx' te
ajtjaw ẍch'in ex ntzanun.
8Jawtzun kyiq'i'n kyib'ju' tnam kyoju' tnej tx'otx' tb'esin ti'j;
kub' kyq'o'n pa xpatxab' te
kub' tz'aqtzuntz kyu'n toj.
9Okx kyjpu'n toj jun tja tu'n jun ch'ok
ex xikyiq'i'n te nimaqkawil aj B'ab'ilon;
atzuntzu' okxa' japu'n,
tu'ntzun mix-a'lo'tl b'inteju' toj twi'
ntzanun kyoj nimaq k'ul toj Israel.
10Naku'j junwi' ub'aju' ttxuya
awa'nku'x ttzi a',
Inel twitz ex pujin b'a'nxi'x
ntzaj b'a'nxi'x tu'n txqan a'.
11Eb'aj kuwixju' tq'ob' b'a'nxi'x
ex eb'jo'k te kytze nimaqkawil,
ch'iy b'a'nxi'x
japun tzmax toj muj.
Q'ancha'lix b'a'nxi'x tu'nju' twe'
ex kyu'n tq'ob' eb'ajch'iy b'a'nxi'x.
12Jatztzun xb'oqi'n kyu'n xjal tuk'i'l kytx'u'jil
ex kub' xon twitz tx'otx'.
Kub' tzqij tu'n kyq'iq' ntzaj tjawetzq'ij
ex eb'je'l tz'aqju' ub'a ti'j;
eb'aj tzqiju' tq'ob' kuwqe'xi'x
ex eb'jo'kx q'o'n toj q'aq'.
13Ja'lo xi' awa'na' toj tchq'ajlaj
toj tzqij tx'otx' ex nk'wajti.
14Inetz jun q'aq' kyoju' tq'ob'
nche b'aj twanju' t-xul ex twitz.
Mixti'qe'tl tq'ob' kuwqe'
tu'nwt kyok te kytze nimaqkawil, chiju' b'itz.
(Aju' lu jun b'itz te kyimni ex k'ajb'el te b'itz te kyimni.)
Who We AreWhat We EelieveWhat We Do
2025 by iamachristian.org,Inc All rights reserved.
