1Tzaj yolin Qman Dyos weye' toj lajoj tajlal tlajoji'n xjaw te tb'eljoji'n ab'q'i, tma:
2Tz'ib'anku'ya tajlal xjaw lu, aju' tajlal xjaw ja'lo, qu'n matxi' tzyet tq'ojin nimaqkawil aj B'ab'ilon ja'lo ti'j Jerusalen.
3Ex q'manxa jun b'itz teju' pi's tnam lu tu'n tok te jun yek'b'il te. Q'manxa qa ayine' nchin q'mante kjalu:
Q'onkxa jun k'wil tib'aj q'aq' ex q'onku'xa a' toj,
4q'onqeku'xa tx'naj chib'j toj,
nimaq tx'naj ti'j tkux ex ti'j tqul,
ex tb'anil tb'aqil.
5Q'intztzun junju'ya tb'anil ttxu rit,
q'onkx txqan si tjaq'
tu'n tloqlon b'a'nxi'x,
tzmax ajkytzq'aju' b'aq.
6Qu'n inma'ne' ayine' Dyos Manb'aj kjalu:
¡Qab'anx twitzju' nintnam b'yolxjal!
Ikyju' kse'n jun k'wil b'ajni sib'ix,
ex mixti'x inelju' sib' ti'j.
Q'inqe'jtza tx'naj chib'j junjunali'n,
tzmax ajtjatz b'aj toju' k'wil.
7Nim txqan chik' b'je'lni qojl toju' nintnam lu;
ex mya twitz tx'otx' b'jelna' qojli,
tu'nwtlo tb'aj muqli tu'n quq,
tib'aj pik spajli kub'na' qojli.
8Axtzu' kjela nq'o'nwe' chik' na'tz,
tib'aju' pik spajli,
layx b'ent tkub' mqu'n tib'aj,
tu'n ttzaj txqan ntx'u'jile'
ex tu'n tb'inchet tnik'alilti'j.
9Qu'n intma'n Qman Dyos:
¡Layxwitju' nintnam b'yolxjal!
Ayinku'we' chin b'inchalte jun q'aq' ti'j.
10Q'intz txqanta si, q'onka tq'aq'al
ex tzq'ajsama chib'j b'a'nxi'x,
tzmax ajtku'x b'aju' ta'l ex ajkytz'e'yju' b'aq;
11Lwiyxtzun q'onkxa k'wil mixti' toj tib'aj q'aq',
tzmax ajtb'antju' k'uxb'il kyeqka'yin nk'ant
ex ajtkyaj ẍtilun ajtelb'aju' plut ti'j;
¡Tzmaxi'j ajtb'je'l b'aju' t-sb'akyil!
12Majxtzun sb'ak b'a'nxi'x
mixjun nb'ent t-ẍtilset tu'n q'aq'.
13Jerusalen, matxi' tz'ok tilil wu'ne' tu'n t-ẍtilseta teju' ttz'ilila tu'n majx tzaqpi'ntib'a, extzun mixjun nẍtilseta. Tzmaxi' kẍtilsetelju'ya ajttzaju' ntx'u'jile' tib'aja.
14Ayine' Dyos Manb'aj matxi' chin q'mante, ex ikykb'ajelju'. Ayinku'ye' chin b'inchalte, ex kjapumel wu'ne'; lay tzaj laqj nk'u'je' ex lay tz'anjtzti'j wanmiye'. Kntz'e'ysa' twitza tu'n kpaju' tb'inchb'aja myab'a'n. Ayine' Dyos Manb'aj inchin q'mante, chi Dyos.
Tkyim t-xu'jil Esekyel15Tzaj yolin Qman Dyos weye', tma:
16Jun kmujx k'elela' wiq'i'ne' wnaq teya majx ntk'u'jla'nxi'xa. Lantzun lab'tiya ex lan tz'oq'a; lalun tz'el ta'l twitza.
17Lalun tyek'uya ajtkyaja toj b'is kse'n nb'inchanjtz kyi'j kyimni. Lalun tz'el tiq'i'na ẍipb'il twi'ya ex lalun tz'el tiq'i'n t-xajab'a; lalun tz'ok tktxu'n twitza yek'b'il k'ixk'oj ex lalun txitwana wab'j nwanjtz toju' nb'aj kjalu, chi Dyos.
18Nyoline' kyuk'i'l xjal te prim, tetzun qale tkyimju' nxu'jile'; tetzun juntl q'ij te prim xinb'incha'ne' ojetoq tchaq' Qman Dyos weye'.
19Aye'tzu'n xjal toju' tnam tzaj kyma'n weye': Chik'b'antza qeye' titi' ntma'nju' ntb'incha'na lu, chechij.
20Xi'tzunma'ne' kye: Tzaj yolin Qman Dyos weye', ex tma:
21Q'manxa kye aj Israel: a ntma'n Dyos ja'lu: kb'el ntxa'ju'ne' njaye' te k'u'lb'il, ju' kyajb'ilxi'xe' tu'n tok kyka'yine' ex nche laqje' ti'j, ex tok te kyninb'ile' ex kyipumale'; che kb'el b'yo'n kyk'wale' ex kymyale' e'kyaj kyq'o'ne' toj Jerusalen.
22Ex q'manxa kye: Ikykb'ajelju' kyi'je' kse'n matxi' nb'inchaye': lay b'ent kyjpunte kywitze' te techlal k'ixk'oj, ex lay b'ent kywanteye' wab'j nkywan xjal ajtkyim jun kyuk'i'l.
23Lay b'ent telkyiq'i'ne' ẍipb'il kywi'ye' ex lay b'ent kyb'ete' mixti' kyxajab'e'. Lay b'ent kyẍch'ine' ex lay b'ent kyoq'e'. Che kjel numje' tu'n tpaj kyile', che ẍch'iltzuntze' jun te juntl toj kyoq'ele'.
24A Esekyel k'okyel te jun yek'b'il kyeye', tkyaqilju' xtb'incha kxel kyb'incha'ye'. Ajtjapun ja'lu, k'elel kynik'e' qa ayine' Dyos Manb'aj.
25K'elel wiq'i'ne' kyipumal aj Israel ja'lo, aju' ja te k'u'lb'il, nxi'x che tzalaj ti'j tu'nju' tb'anilxi'x b'inchb'ente, kyajb'ilxi'x tu'n kyka'yinte ex nche laq ti'j. Ex che elelwiq'i'ne' kyk'wal ex kymyal.
26Ex aju' mab'ent ttzaqpaj toju' q'ij lu, tzul q'ol tqanil teya.
27Tojtzu'n q'ij lu kyolila ex kb'entel tyolina tuk'i'lju' matzaqpaj. K'ajb'eltzuntza te yek'b'ilteju' tnam, k'eleltzun kynik'tz qa ayine' Dyos Manb'aj, chi Dyos, chi Esekyel.
Who We AreWhat We EelieveWhat We Do
2025 by iamachristian.org,Inc All rights reserved.
