Sal 87 - Mam Ostuncalco Bible

Ajwalb'ilteju' ninttanam Dyos

1Tkub'qe' tq'uqlil ninttanam Dyos

kyib'aju' witz xjan.

2Inxi'x che tk'u'jla'n Qman Dyos tjpelju' tnam Syon

kyekwitzju' tja Jakob'.

3Aya ttanam Dyos,

nim ti'xti' tb'anilqexi'x nche q'manjtz ti'ja:

4Kxe'l nma'ne' kyb'i junjunju' tnam ojtzqi'nqine' kyu'n:

a junju' Ejipt ex B'ab'ilon,

Pilistey, Tiro ex Etiopiy;

kykyaqil ja'lu ti'ja ẍe tzaja' anq'in. Chiju' nq'omli.

5Kkyma' ti'ju' nintnam Syon:

Ti'j ẍe itz'ja' ja'lu exju' chix. Chechiku'.

Aku'te Dyos Manb'aj te toj kya'j q'mante.

6Inkub' ttz'ib'a'n Qman Dyos toju' u'j

ja tku'xa' kyb'iju' tnam:

Ti'j saja' anq'inju' lu. Chij.

7Aye'tzu'n nche b'itzan exqe' nche chinb'an inkyma'n:

Aju' nnajb'ile' atzu' ta' ti'ja. Chechij. Chiju' b'itzal.