1Ul jumajtlu' anjl ntoq yolin wuk'i'le, nnokxtk'asune' kse'n jun xjal b'a'n watl. Ex tzaj tqani'n weye':
2¿Titi' nxitka'yi'na? chij. Xi'tzun ntzaq'we'ne' te: Nxi' nka'yi'ne' jun kykb'el kantil q'anpwaq, tuk'i'lju' tkub'ex aseyt tib'aj. Ate' wuq tkantilil tib'aj, ex wuq kymechilju' kantil.
3Ate' kab'e' tqan olib'o tk'etzju' kykb'el kantil, jun toj tb'a'nq'ob' ex juntl toj tnayaj.
4Xi'tzun nqani'ne' teju' anjl ntoq yolin wuk'i'le': Taye ¿titi' tz'elpuna'ju' lu? nchije'
5Tzajtzun ttzaq'we'nju' anjl weye': ¿Ma min nkane toj twitza titi' tz'elpuna'? chij, xi'tzun nma'ne' te mixti' taye nchije' te.
6Oktentzuntz q'malte weye' kjalu: A tqanil ja'lu tu'n Qman Dyos te Sorob'ab'el: mya kyu'n txqan xjal te q'oj, ex mya tu'n ipumalj, xi'qeka't a tk'u'j tiju' nxewe', chi Qman Dyos nimtipumal.
7¿Ti'xi'xtzunta toklen, jun nimaq witz? ¡Naq plan tx'otx'tl kjela'ya twitz Sorob'ab'el! K'eletz tiq'in ab'j nim toklen, ex njawxi' kyẍch'in xjal kjalu ¡Tb'anilxi'x, lutzun t-xtalb'il Dyos!
8Ex tzaj tq'o'n Qman Dyos tpakb'al weye' kjalu:
9Matxi' ku'x tq'o'n Sorob'ab'el tq'uqlilju' ja te k'u'lb'il lu, ex axte kb'ajsalte, chi Dyos. Ikytzu'n k'elela' kynik'e' qa a Qman Dyos nimtipumal saj chq'onweye'.
10Aye'tzu'n mixti'x xi' toj kywinqil ex min e'onin tej ttzyetku' tnejel, ja'lo che tzalajel ajkyka'yinte njapun b'aju' aq'untl tu'n Sorob'ab'el.
Yajxi'tzuntl, tmaju' anjl kjalu: Aju' wuq kantil lu aye' tb'aq' twitz Qman Dyos, nche b'et ka'yilteju' twitz tx'otx', chij.
11Xi'tzun nqani'ne' te: ¿Ti'tzu'n tz'elpuna' kab'e' tqan Olib'o lu, junjun te junjun plaju' kykb'el kantil?
12Ex ¿Titi' tz'elpuna' kab'e' tqan Olib'o ate'k kyk'etzu' tub' q'anpwaq janpona' aseyt toju' kantil? nchije'.
13Tzaj ttzaq'we'n anjl weye': ¿Ma mitzun jun b'i'n tu'na titi' tz'elpuna'? chij. Mixti' taye, nchije' te.
14Tzajtzun tma'n weye' kjalu: Xi'nyolina'te' kyi'j Sorob'ab'el ex Joswe, matxi' che sk'onjtz tu'n Dyos tu'n kyajb'en te Qman Dyos toj tkyaqil twitz tx'otx'.
Who We AreWhat We EelieveWhat We Do
2025 by iamachristian.org,Inc All rights reserved.
