1Jun tpakb'al tu'n Qman Dyos ti'j Israel. A Qman Dyos xilik'unte kya'j, xkub' q'onte tq'uqlil tx'otx' ex saj q'onte tchwinqlal xjal, ntma'n kjalu:
2K'okyel Jerusalen wu'ne' naku'j jun b'itidor te b'in ja che tx'ojtelaju' nimaqtnam nqaku' tqe' tk'etz tu'n. Ajtzun tb'jo'k ktxoli'n kyib' ti'j Jerusalen, ex che okyel tzaqpaj kyi'ju' txqantl nimaqtnam toj Juda.
3Kjawil b'entju' Jerusalen wu'ne' te jun nimin ab'j alxi'x kye kkyaqilju' nimaqtnam. Majx kb'o'ljel Alkyexku' nintnam tu'n qama jawtiq'i'ntib' ti'j. Kykyaqilju' nimaqtnam kjawil kyi'nkyib' ti'j.
4chin okyel tentzuntze' xob'tzalkyeju' chej ex knb'incha'ye' tu'n tok toj kywi'ju' aj chejil. Che nkla'we' tyajajil Juda, ex che kjel moẍix kycheju' nimaqtnam wu'ne'.
5Ajtok kyka'yin nejenel te Juda ja'lu ok kyma'tzuntz toj kyanmi: A Qman Dyos nimtipumal k'okyel te Kydyosju' najlqe' toj Jerusalen, ex ate natzaj q'onte kyipumal.
6Tojtzu'n tq'ijlalil lu che okyelju' nejenel wu'ne' kse'n ttxalq'aq' kyxolju' si, ex kse'n q'aq' kyxol pchoj t-spiyil triy. Che b'ajel kywanju' nimaqtnam tqe'k toj kyb'anq'ob' ex toj kynayaj, aye'tzu'n najlqe' toj Jerusalen che najal jumajtl toju' ninktanam.
7Ayintzunwe' Dyos Manb'aj nej che nkla'ye' toj kyja aj Juda, tu'ntzun lalun jaw knima'n kyib'ju' tyajajil Dab'i exqe'ju' najlqe' toj Jerusalen kyib'aju' txqantl tyajajil Juda.
8Ayine' Dyos Manb'aj, chin klolkyeju' najlqe' toj Jerusalen. Che okyelju' nche' numj kxol kuw kse'n nimaqkawil Dab'i, aye'tzunju' tyajajil Dab'i che okyel naku'j Dyos, nakuj anjl te Qman Dyos, nejlqe' kwitz.
9Majx kb'el nxitune' alkyexku' jun nimaqtnam qama tz'ok tzaqpaj q'ojil ti'j Jerusalen toj tq'ijlalil lu.
10Kche nnojasaye' tyajajil Dab'i tu'n xtalb'il ex tu'n kna'n Dyos nwitze' exqe'ju' najlqe' toj Jerusalen. K'okyel kyka'yintzuntz aju' xb'aj kxyu'n, che b'isul ex che oq'el ti'j kse'n nche oq' ajtkyim jun tal twitz k'wal mujqa ti'ju' tnejel k'walb'aj.
11K'okyel jun nimaq b'is toj Jerusalen kse'n tiju' dyos Adad-rimon toju' plan tx'otx' te Mewido.
12Tojile junjun ja, che b'isul toju' tnam: aye' tyajajil Dab'i, ex ikqexju' kxu'jil; aye' tyajajil Natan ex ikqexju' kxu'jil;
13aye' kyyajajil aj Leb'i, ex ikqexju' kxu'jil; aye' kyyajajil Simi, ex ikqexju' kxu'jil;
14Ex ikqexju' txqantl tnej xjal tojile kyja teyile junjun ex ikqexju' kxu'jil.
Who We AreWhat We EelieveWhat We Do
2025 by iamachristian.org,Inc All rights reserved.