Ec 10 - Mam Ostuncalco Bible

1Tu'n jun a'jin kyimni

nkub' tzu'wixa' tb'anil k'ok'sb'il.

Ikytzu'n, anajte nnokq'o'n toklenju' naq toj twitz xjal nok

kyetwitzju' ojtzqib'l nimxi'x toklen.

2Atzu' nximana'te' xjal ati tnab'l ti'ju' b'a'n,

atzunte' xnak ti'ju' myab'a'n.

3Toj tkyaqilju' ntb'incha'n xjal xnak,

intyek'u'n qa mixti'x tnab'l,

maskyepe' intma'n

qa mixti'x nche ximanju' txqantl.

4Qama tzaj ttx'u'jilju' nkawin ti'ja; lalun tzaj pa'l toj twi'ya,

ate q'a'nb'ilju' qa myab'a'n sela' jun ti'xti',

tu'n tnk'et chab'a mya tuk'i'l qtx'u'jil.

5Oje wile' jun taq'wix nb'inchanjtz twitzju' tx'otx' lu, ex aye'ku' kawil inche b'inchante:

6aju' xjal min nximan nxiq'o'n jun toklen nimxi'x, aye'tzu'n xjal ati tnab'l naqch'i'n toklen nxiq'o'n.

7Oje che wile' lq'o'n majin iqa'nqe' tu'n chej, aye'tzu'n kyk'wal nimaqkawil nche b'et tu'n kyqan naku'j tq'o'n majinqe'.

8Alkyete ma ku'x tb'incha'n jun jul,

axte nku'x tz'aq toj.

Alkyete nlaqun nimaqtapi

nnok tx'a'n tu'n kan.

9Aju' jsol ab'j,

nk'ixb'i tu'n tjosli ab'j.

aju' npa'n toj si,

jaku' tz'ok ttx'e'mu'ntib'.

10Qama b'aj twitzteju' k'uxb'il pab'l toj si

exqa min xjqetl twitzte,

ati tu'n tokxi'xtl qipumal ti'j.

Ate b'a'nju' tu'n qaq'unan b'a'n tuk'i'l nab'l.

11¿Titi' k'ajb'ela' jun xjal nkub' mansix kan tu'n,

extzunqa matxi'toq tx'a'nju' kan?

12Inche tzalaj xjal ti'j tyolju' xjal ati tnab'l,

atzu'n xnak nkub' b'o'lj tu'nxju' tyol:

13Ajtaq'wi yolil mixti'x ttx'o'lajil tyol,

ex nb'aj tyolin kyi'j xlab'yol.

14¡Majx ati txqan tyolju' xjal xnak!

¿Alxi'xkye jaku' q'mante titi' tzul,

mixna' a'lo'kyete b'ilte ti' tzul yajxi'tl?

15Inxi'x tb'yo'ntib'ju' xjal xnak tu'n taq'unan,

ex min tojtzqi'n tb'eyilu' nintnam.

16¡Qab'anx twitzju' tx'otx', k'walju' tnimaqkawil,

qa nche sqixinju' tk'wal nimaqkawil

tu'n kyten kyoj nimaqwan!

17¡B'a'nxi'x teju' tnam tok jun tnimaqkawil nimaqxjal,

ex nche wanju' kawil toj

tojxi'xju' kmuj tu'n kywan,

tu'n toktl kyipumal,

mya tu'nwt kyaq'wi tx'ojtel!

18Naq ntyo'nkju' xjal ky'aj ajtku'tz tz'aq twi' tja;

naq chle'n tq'ob', naq nka'yin ajtkub' xitju' tja.

19Kyejni q'o'n qwa tu'n qtzalaj,

exju' ta'l ub'a tu'n tku'x qnik'b'e'n toj qchwinqlal;

naq a mixti' pwaq te.

20Lalun yolina ti'ju' nimaqkawil

naqpe' toj tnab'la.

Lalun yolina taq'wix ti'ju' q'inun, b'a'nqa tjunala toj twitza,

qu'n nche lipanju' pich', jaku' che b'ajx q'malte te.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help