1Nman Dyos, b'inchama tnik'alilti'j weye',
qu'n mixti' taq'wix toju' nchwinqlale'.
Q'uqlokxi'xwe' nk'u'j ti'ja Nman Dyos;
2chin t-xpich'uma, ¡kutik' twitza wi'je'!,
¡kutik' twitza kyi'ju' nxime'
ex kyi'ju' nna'ne' toj wanmiye'!
3Minti' in ik'tna'lju' tk'u'jlalila wu'ne'
ex in nb'incha'nju'ye' tajb'ila;
4b'ajx chin tena'we' kyuk'i'lju' chalyol
ex b'ajx chin uk'ilana'ye' kyuk'i'lju' xmletz'.
5Inel wik'u'ne' b'u'yb'il kyib'ju' b'inchal il;
¡b'ajx chin tena'we' kyuk'i'lju' b'inchal myab'a'n!
6Nman Dyos, wajb'ile' tu'n woklq'eye' ti'ju' q'olb'eb'l teya,
txjo'nqe'tlwe' nq'ob' ex ẍnu'lqe'tl te il,
7tu'ntzun nb'itzane' te ajwalb'il tb'iya,
ex tu'n t-xi'npakb'a'ne' taq'unb'ena tb'anilxi'x.
8Nman Dyos, ink'u'jla'nwe' ja, janajla'ya,
ja tkub'a' tajwalila.
9Lalun tz'el tiq'i'na nchwinqlale' junx kyuk'i'lju' aj il;
ex lalun tb'inchaya weye' kse'n nche t-se'na'ju'ya b'yolxjal,
10kse'nqe' naq'li kyq'ob' tu'n kyb'inchan il
ex tu'n kyk'mon medi ti'j jun taq'wixil.
11Atzunwe' mixti'we' ttz'ilil nchwinqlal;
¡chin tkloma, q'aq'antz tk'u'ja wi'je'!
12Wa'lqe' nqane' b'a'nxi'x twitz tx'otx';
¡kjawil nnima'na Wajaw, kywitzju' ttanama!, chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
