Jl CHIK'B'AB'L - Mam Ostuncalco Bible
CHIK'B'AB'LXi' nyolina' tpakb'alil tu'n Joel toju' tuj ti'j jun yajb'il tzaj kyu'n ẍtikt'u'l toj Israel, ex tu'nju' min tzaj jb'al (1.1—2.11). Tmaju' t-sanjelal Dyos lu qa ntxokon Dyos teju' ttanam tu'n tanjtzti'j kyanmi ex nttziya'n Dyos kye qa kb'el tnajsa'n kyil exqa che tzajel tk'iwla'n (2.12-29). Ex tma qa ajtulju' Tq'ij Taye che b'entel txqan b'a'nq'ob'aj ex txqan techlal, ex ate Qman Dyos kb'el tz'e'ysante kywitzju' xjal qama jawkyiq'i'nkyib' ti'ju' tajb'il; aye'tzu'n che pomil lq'e tk'etz kche kletel tu'n. Ate Dyos kklolkye aj Juda ex che b'entel jumajtl tu'n kse'nxju' tnejel, ex kb'entel jumajtlu' Syon tu'n Dyos, kb'ajel ẍtilsa'n kse'nxu' tnejel.Min yolinte Joel ti'jx kse'nkye' txqantl t-sanjelal Dyos, expe' min yolin ti'ju' tq'ijlalil tej tpakb'an. Aju' nximanjtz, naku'j kub' tz'ib'a'nju' tuj Joel toj kyq'ijlalil aj Persya, kyoju' tjwe'yi'n jo'naq ab'q'i tuk'i'l tkyaji'n jo'naq ab'q'i tej na'mxtoq titz'ji Krist.
