Heb CHIK'B'AB'L - Mam Ostuncalco Bible
CHIK'B'AB'LNaq o'kx mankb'il teju' u'j lu nq'ancha'lixa' qa ikju' kse'n jun u'j xitz'ib'a'n kse'nqe' txqantl. Ate' u'j lu naku'j jun chik'b'ab'l mo jun pakb'ab'l. Tu'nju' tz'ib'a'n toj, nakuj xi' xa'sma'na' kyeju' okslal kyxol aj Juda, tu'nju' ma'toq jaw kyiq'i'n kyib' xjal kyi'j, kyajb'iltoq tu'n tanjtl jumajtlkyi'j tojxju' ojtxi' kytxol ex kyajb'iltoq tu'n tkyej kytzaqpi'nju' okslab'l ti'j Jesukrist. Atzunju' kub' tz'ib'ante u'j nxitjqo'n kynab'l. Atzu' nyolina'xi'xju' u'j lu ajttzaj tzyet (1.1-3) ti'ju' toklen Jesukrist nimaqxi'x oje tzaj tyek'u'n Dyos.In yoliltzuntz nk'u'nile tten ti'j Jesus: Tk'walkuxi'x Dyos tejumajx, b'in b'a'nxi'x te Dyos tojnelju' yajb'il ik'xtu'n, nimaqte' toklen kyekywitzju' t-sanjelal Dyos (1.1) ex kyekywitz anjl nche'x tchq'o'n smal tqanil, (1.4—2.18), nimxi'x toklen kyekywitz Moyses ex Joswe (3.1—4.13), ex nimaqxi'x toklen kyekywitz ojtxi' pale nimaq kyoklen, qu'n aku'te Dyos sok q'onte te nimaq kynejel pale tejumajx (4.14—7.28). Naq tu'nel Jesus, xkyeja' b'ent jun yol ak'a'j ex tb'anil tu'n Dyos kyuk'i'l xjal (8.1—9.28). Tu'nju' mataq'tib' Jesus te chojb'il ex nimxi'x toklen kyekywitzju' chojb'il tman wakx ex tal tman chib', extzun aku' b'inchante chojb'il kse'n kynejel pale tejumajx, alkyete ma tz'okslan te, kkletel tu'n te il, te xob'ajil ex te kamik. Atzuntzu' nel yala' axxi'x kolb'il tk'etz Jesus, myatzu' kyi'ju' txkup nche kub' te chojb'il kse'n yol kyejni b'entti'j tu'n Dyos kyuk'i'l xjal ojtxi', naq jun yek'b'ilpunte' ti'ju' xi'toq tulkanun (10.1-31).Naqna' o'kx tu'n okslab'l nqk'mo'na' kolb'il lu, aju' kub' tz'ib'ante u'j lu nyolin ti'j txqan techlal ti'ju' tqanil kyi'j aj Juda, ti'ju' okslab'l nimaq toklen. Tu'ntzunju', in okten tzak'ulkye okslal tu'n kykub' we' b'a'nxi'x toj kyokslab'l tzmax ajtjapun b'ajsb'il q'ij, ex tu'n tok kyq'o'n kywitz ti'j Jesus, tu'n tik'xju' yajb'il kyu'n ex tu'n tik'xju' kyu'n qama tzaj joyb'ilkyi'j. Aju' tnej oxlajoj nb'aj yolin ti'j txqan tzak'b'il, e'kub'sb'il ex e'mankb'il q'olb'eb'l.
