1Nman Dyos,
intzalaju' nimaqkawil tu'nju' matxi' tq'o'na tipumal;
¡inxi'x tzalaj tu'nju' ma kanb'an tu'na!
2Mache tzaj tq'o'na tb'is tk'u'j;
minti' xkub' t-xk'a'yi'nju'ya tqanb'etz.
3Matk'ama tuk'i'l nim ky'i'wb'il
ex majaxtq'o'na jun q'anpwaq koron toj twi'.
4Xitqani'n tchwinqlal teya, ex matzaj tq'o'na:
nimtoj ex tejumajx.
5Chjonte tu'nju' t-o'nb'ila, nimte' tipumal tu'na;
matxi' tq'o'na oklenj ex ninb'ilte.
6Matxi' kub' tky'i'wla'na tejumajx;
intzalaj nimxi'x qu'n atiya tuk'i'l.
7Layxna' kub'tz'aqta, nimaqkawil, q'uqlina' tk'u'ja ti'j Qman Dyos;
¡q'uqli tk'u'ja ti'ju' tk'u'jlalil Manb'aj te toj kya'j!
8Kpomelju' tipumala kyib'aju' tajq'oja;
kpomel kanunju' tb'a'nq'ob'a kyib'aju' nche i'k'un teya;
9che okyex tq'o'na toj tq'aq'al jun chuj
ajtula malul kyib'aj.
Atzunte Qman Dyos tu'n ttx'u'jil,
che kb'el tnajsa'n tu'n q'aq'.
10Che b'el tnajsa'nju'ya kyk'wal ex kyyajajil
Kyxolju' xjal twitzju' tx'otx'
che kb'el tnajsa'nju'ya kyk'wal exqe' kyyajajil.
11B'a'ntzun qa kyajb'il tu'n kyb'inchante jun taq'wix ti'ja
exqa makub' kyxima'n jun ti'xti' myab'a'n,
lay b'ent kyu'n,
12che kb'el oqkye' teya;
kxe'l tnik'u'na t-smaja kyi'j.
13¡Iq'i'nktz tib'a Nman Dyos tuk'i'l tipumala,!
¡Che kb'el qtzalajsa'ne' tkanb'ab'la kyu'n b'itz!, chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
