1Qo tkloma Nman Dyos, qu'n mixti'qe'tl okslal wa'lqe'xi'x;
mixti'qe'tlkye xjal ax che yolin.
2Nche b'ajchanyol kyxolilex;
kyexi'x che yolin tuk'i'l xmletz'il.
3Nman Dyos,
xb'oqinqe'ktza xmletz' exqe' nimal kyib',
4aye'ju' nkyma'n:
Yaqi'n petzunte' ati qtziye';
tu'nqe' qyol nqo' kleta'ye'.
¿Alxi'xkye kb'el kawinqeye'? chechij.
5A ntma'n Qman Dyos kjalu:
Ina' che kub' yaju'n prow exqe' mixti' kyipumal
ex majx jtz'o'nqe'.
Qu'mtzun kjawil wiq'i'n wib'e' onilkye,
kse'nxju' kyajb'il, chij.
6Slub'in qe'xi'xju' yol kyejni ttziya'n Qman Dyos;
¡ikyqe'ju' kse'n saqpwaq ẍk'atu'n,
tzq'ajsa'n wuq maj toj q'aq'!
7Aya Nman Dyos kxq'uqil qeye';
¡kqo tkla'ya kukxju' kyeju' xjal lu!
8Jaxjaku' ta'qe'ju' b'inchal myab'a'n
ex kkyaqilxju' xjal twitz tx'otx' nche niman te taq'wixil, chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
