1A ntma'n Qman Dyos ja'lu: ¡Layqe'xwitju' k'ik'lel nchex kytzpet-sa'n nrite' ex nche'x slamj kyu'n!, chij.
2Lu ntma'n Qman Dyos kyeju' nche kawinteju' ttanam ikjalu: Matxi' che b'ajx kyslamu'ne' nrite', mache'x oq kyu'ne' ex min nche'x kyka'yi'ne'. Tik'x kb'el ntz'e'ysa'nkye' kywitz tu'n tpaju' kyb'inchb'ene' myab'a'n. Ayine' Dyos Manb'aj nchin yolin.
3Ex ayinku'ye' chin tzajel b'uyinkye jte'tl nrite' kyoju' nimaqtnam jaẍe'xa' oq wu'ne', che b'ajel nb'u'yi'ne' ex che tzajel wanjsa'ntle' tojkyqanb'en, tu'n kypoq'on.
4Che kb'el nq'o'ne' k'ik'lel ka'yilkye tu'ntzun mixalkye tu'n kyxob'a' ex tu'n lalun tz'aqi jun kyxol. Ayine' Dyos Manb'aj nchin yolin, chi Qman Dyos.
5Lu ntma'n Qman Dyos:
Tzul jun q'ij knb'incha'ye'
tu'n tten jun tyajajilkuxi'x Dab'i,
jun nimaqkawil kkawil tuk'i'l nab'l
ex k'aq'unal tuk'i'l tnik'alilti'j ex toj tzinun toju' tx'otx'.
6Che kletel aj Juda toju' tq'ijlalil kkawil,
ex q'uqli tk'u'jlalil che anq'ila' aj Israel.
A tb'iju': A Qman Dyos q'ol qkanb'ab'l,
k'okyel q'o'n, chi Dyos.
7Chi Qman Dyos kjalu: Tzul tq'ijlalil lay kymatl xjal: Tu'nel Qman Dyos etzq'inkye aj Israel toj Ejipt, chechiwt ajkymante jun yol ax,
8atlte kkyma'ju': Tu'nel Qman Dyos, anjtzq'inkye tyajajil Israel toju' nintnam te tb'a'nq'ob'kya'j ex kyoju' txqantl nimaqtnam jab'ajxna'qe'toq t-sputi'n, chechiku'tl ajkymante jun yol ax, chi Dyos.
Tqanil kyi'ju' sanjelal9A tqanil ja'lu kyi'ju' sanjelal:
Inxi'x chin b'isune',
Inxi'x lu'lun tkyaqil toj nwinqile',
naku'j tx'ojtenil qine',
kse'n jun xjal matxi' kub' tzyet tu'n q'e'n,
naq tu'nel Qman Dyos exju' tyol xjan.
10Matxi' che kub'puqli ajpajil toju' tnam,
e'xjal nxi'x che ojqelan tu'n kyb'inchante myab'a'n,
nok kyq'o'n kyipumal b'inchalte mya tnik'alti'j.
Qu'mtzun tma Qman Dyos tu'n ttzaj taq'wix toju' tx'otx',
ex makub' tzqiju' tx'otx',
ex mache kub'tz'e'yju' kywa alu'mj toj chq'ajlaj.
11Intma'n Qman Dyos ikjalu:
Ikxpe' mixya nimalqe' Sanjelal ex pale weye';
matxi' che b'je'l yal wu'ne' nche b'inchan il tojku' njaye' te k'u'lb'il.
12Qu'mtzun kb'el qloljixju' kyb'e
ex kb'el ẍb'ilunix:
knb'incha'ye' tu'n kyxilmu'n ex tu'n kyjaw tz'aq.
Ktzajel nq'o'ne' xitb'il kyib'aj
ajkyok toj xjel wu'ne'.
Ayine' Dyos Manb'aj nchin yolin.
13Matxi' che wile' sanjelal aj Samarya
nkyb'incha'n ti'xti' taq'wix nwitze':
Matxi' kya tpakb'alil toj tb'i B'aal
ex mache'x kytzpet-sa'n ntaname' Israel.
14Matxi' che wile' sanjelal aj Jerusalen
nche kyb'incha'n ti'xti' taq'wixi'x:
Nche ajpajil ex nche sb'un,
nche kyipumali'n b'inchal myab'a'n
tu'n lalun kyej kytzaqpi'n myab'a'n.
Ikyqe'ju' weye' kyuk'i'l najlqe' toju' nintnam
kse'nqe' Sodom ex Komor.
15Qu'mtzun ayine' Dyos Manb'aj nimwipumale',
in nma'n jaye'lu kyi'ju' sanjelal:
Kxe'l nq'o'n jun kywaye' k'axi'x,
kxe'l nq'o'ne' kyk'wa' ati b'iyb'il toj,
qu'n kyu'n sanjelal aj Jerusalen
xkub'a' chmet il toj tkyaqilju' tnam, chi Dyos.
16Intma'n Qman Dyos nimtipumal ikjalu:
Aj Israel, lalun txikyb'i'ne' nkyma'n sanjelal.
Chajyolil nate' inkyma'n,
aye'x nche kub'ximankye ti'xti',
b'ajx che'xa' nma'ne' kye.
17Tkyaqilte' b'a'n k'elela'
chechi kyeju' nche el ik'onte nyole'.
Atzu'n kyeju' ate'qe' tuk'i'l kypi'sal
tokxju' kyxim toj kyanmi,
lay tzajte jun taq'wix kyib'aje', chechij kye, chi Dyos.
Tlab'te'n Jeremiy18Qaja' ¿alkyetzun ten toju' tb'uyjtib'il Qman Dyos toj ewaj?,
¿alkye lonte mujqa b'inteju' tyol?
¿alkye b'ajb'inteju' tyol?
19Ikyte ttx'u'jil Qman Dyos kse'n q'ankyaq,
kse'n jb'al tuk'i'l kyq'iq'
inxi'x juman kyib'aju' b'inchal myab'a'n.
20K'elel ttx'u'jil Qman Dyos
ajxi' tb'inchanteju' tb'is tk'u'j.
Tzul q'ij kb'el kyxima'ne'
ex che kaneb'el ja'lu toj kywitze'.
Tpakb'al tu'n Qman Dyos kyi'ju' sanjelal chalyol21Min enchaq'we' sanjelal lu,
expe' mixti'xwe' xinma'n kye,
aye'tzunkye inxi'x cheb'aj ojqelan
yolil toj nb'iye'.
22Naqwit matz'elkynik' teju' e'wa'n wu'ne',
ma'wtlo txikyma'n nyole' teju' ntaname',
ma'wtlo che kytxok tu'n tkyaj kytzaqpi'n kyb'e myab'a'n
ex tu'n tkyaj kyq'o'n kyb'inchb'aj myab'a'n, chi Dyos.
23Lu ntma'n Qman Dyos kjalu:
Qa najchaq mujqa nqaku', ayinweju'ye' Dyos.
24¿Alxi'xkye kb'antel tewan nwitze'?
Intinwe' toj tkyaqilju' kya'j ex tx'otx'.
Ayine' Dyos Manb'aj nchin yolin.
25Matxi' nb'iye' kychajyolilju' sanjelal lu in okkyq'o'n kyib' yolil toj nb'iye' ex qanche yolin wuk'i'le' toj witzik'.
26¿Jtojtzun kyej kytzaqpi'n sanjelal lu tu'n kymante ti'xti' mya ax, naq njaw kyxima'n ex nok toj kywitz?
27Tu'ntzu'n kywitzik' ate'qe'k q'malte kyxolilex, nkyb'incha'n tu'n tik'nna'le' kyu'n ntaname', kse'nqe' ojtxi' kychman ik'nna'le' kyu'n ex exi' kywitz B'aal.
28-29¡Qa ati twitzik' jun sanjelal, q'manx qa jun witzik', qatzun matk'amu' nyole', q'manx aku'xi'xju' nyole'! Mya junxte triy tuk'i'lju' tz'is. Ikywe' nyol kse'n q'aq', kse'n jun pojb'il npa'yet pik tu'n. Ayine' Dyos Manb'aj nchin yolin.
30Qu'mtzun nchin q'ojine' kyi'ju' sanjelal lu nb'aj kyalq'a'nkyib' ti'ju' nyole'. Ayine' Dyos Manb'aj nchin yolin.
31Nchin q'ojine' kyi'ju' sanjelal lu nche okten q'malkye ti'xti' nb'jaw kyma'n naku'xwitloj nyole'.
32nchin q'ojine' kyi'ju' sanjelal lu ate'qe'k q'mal kywitzik' te chajyolil, tu'ntzu'n txqan kyol e'kychaj yoli'n nche kytzpet-sa'n ntaname'. Min ẍe'x nchq'o'nwe' ex mixti' juwe' ti'xti' xxinma'n kye, mixti'xte tu'me'l tu'n kyonin ti'ju' tnam. Ayine' Dyos Manb'aj nchin yolin.
Tu'me'l tu'n tq'meta' tyol Dyos33Jeremiy, qa matxi' qani'n teya tu'n jun xjal te toj tnam, mo tu'n jun sanjelal mo tu'n jun pale ikjalu: ¿titi'tzu'n toqxenb'il Qman Dyos? qa chi, a q'manxju'ya te: Intma'n Qman Dyos qa iqtz qe'ye' te, ex che kjel xone' tu'n, chiku'ya.
34Qatzun ati jun sanjelal mo pale mujqa jun xjal te toj tnam, intma'n: toqxenb'il Qman Dyos, qa chi, kb'el ntz'e'ysa'ne' twitz kyuk'ilxi' toj tja.
35Qa alkye jun matxitqani'n te tamiw mujqa te jun tojx kyjakyib', b'a'n tu'n txitma'n: ¿titi' sajttzaq'we'n Qman Dyos? ¿titi' xtma?,
36Mixti' tu'n tmantetl: toqxenb'il Qman Dyos, chiwt, qu'n alkye matmatl ikju', knb'incha'ye' tu'n kyokju' tyol te tiqatz. Mab'aj kych'ixpu'ne' tnab'lju' nyole' ayine' Dyos Manb'aj itz'qine' nimwipumale'.
37Jeremiy, xjelunxtzuna kye sanjelal: ¿Titi' sajttzaq'we'n Qman Dyos? ¿Titi' saj tma'n? chiku'ya.
38Qatzun toqxenb'il Qman Dyos, qa chechi, tzaq'wenxa kye: Lu ntma'n Qman Dyos: Tu'nju' inx kyma'ne' yol xinma'ne' tu'n lalun kymaye',
39che jawil wiq'i'ne' naku'j jun iqtz, tuk'i'lxi' nintnam xinq'o'ne' kyeye' ex kye ojtxi' kychmane', che b'el nxontzuntze' najchaq wi'je'.
40Ex cheb'el nme'ssa'ne' ex k'elel kych'ixawe' tejumajx, layxpe' tzik'tna'l kyu'ne', chiku'ya kye, chi Dyos.
Who We AreWhat We EelieveWhat We Do
2025 by iamachristian.org,Inc All rights reserved.
