1Nman Dyos, in njyo'na,
ikyqinju'ye' kse'n jun msat nk'o'k'on ex njyon tk'wa' a'.
2Nchin nelb'aje' ti'ja Dyos, tajaw chwinqlal.
¿Jtojtzunlo chinx junmajtle' twitza Nman Dyos?
3Min nchin wane' tu'n tpaj nchin oq'e' q'ijtl ex qonik'an,
aye'tzunkye' xjal jachq'al ntzaj kyqani'n weye':
¿Jatzunta' Tdyosa? Chechij.
4Ajtkub' nximane' tkyaqilju' ti'xti' lu,
majx noktchib'l ti'nk'u'je'.
Ajttzaj nna'ne' tej ntoq chinxe' kyuk'i'l xjal,
intoq che'x wiq'i'ne' toj tja Qman Dyos
tuk'i'l sich' te tzalajb'il ex aq'b'il chjonte.
¡Juntoq tzalajb'il tb'anilxi'x!
5¿Tiqu'ntzun chin b'ela' numje'?
¿Tiqu'ntzun kb'ajxe'la' nk'u'je'?
Matxi'na' tz'okqewe' nk'u'j ti'ja Nman Dyos,
chin b'itzale' teya kukxju'.
¡Tena'ta nchin k'uluna'ye' ex aya klol weye'!
6Inxi'x ch'yon wanmiye'.
Qu'mtzun nxi'x chin ximane' ti'ja,
tzmax toj tx'otx' jata' nin a' Jordan,
ex tzmax ja ta'qe' witz Ermon ex Misar.
7Nxi'x jukyin a' ntzaj twi' xaq
ajtkb'u'l tzmax t-xexi';
aye' tnimal t-spinpujal a' ntzaj tq'o'na
matxi' che ik' wib'aje'.
8Inchin tzajtk'u'jla'ne' Qman Dyos te q'ijtl,
tetzun qonik'an min nchin q'jene' tu'n nb'itzane'
ex tu'n nk'ulune' twitzju' Dyos tajaw nchwinqlale'.
9Inxi' nma'ne' te Dyos, ju' klol weye':
¿Titiqu'n ẍin kyeja' ttzaqpi'na?
¿Titiqu'n ati tu'n nb'ete' toj b'is
ex toj yajb'il kyu'n wajq'oje? Nchije' te.
10Majx inexch'yon toj nwinqile'
tu'nju' nchinok ik'le'ne' kyu'n wajq'oje
qu'n tkyaqil q'ij ntzaj kyma'n weye':
¿Jatzunta'ju' Tdyosa? Chechij.
11¿Titiqu'n chin kb'ela' numje'?
¿Titiqu'n kb'ajxe'la' nk'u'je'?
Matxi'na' tz'okqewe' nk'u'j ti'j Qman Dyos,
kchin b'itzale' te kukxju'
¡Tena'te nchin k'uluna'ye' ex a klol weye'! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
