1Injaw tq'ojq'ojel nwi'ye' te Dyos
tu'n ntzaj tb'i'ne'.
2In njyo'ne' Qman Dyos toju' q'ij qa nchin b'isune',
ex min nchin q'jene' tu'n tjaw nmujb'a'n nq'ob'e'
toj na'j Dyos te qonik'an.
Min nknet jatu'n toka'qe nk'u'je'.
3Ajttzaj nna'ne' Dyos, inchin noq'e';
inchin kub' tene' ximal ex nchin kub' numje'.
4Layx chin wtane' Nman Dyos qa min ẍintzaj ttzaq'we'na;
¡mixti'x nb'entl nyoline' tu'n txqan b'is wi'je'!
5Inchin ximane' kyi'ju' q'ij exqe' ab'q'i ojtxi';
6na'n wu'ne' intoq chin b'itzane' te qonik'an.
Inchin xjelune' ex nchin ximane' toj wanmiye' tib'aj:
7¿Ma kukxtzunlo ttx'u'jin Qman Dyosju'?
¿Ma laytzunlo qotk'u'jla jumajtl?
8¿Mamatxi'tzunlo b'aju' tk'u'jlalil?
¿Ma majxtzunlo oje kyajb'aju' tyol tziya'n tu'n?
9¿Ma matxi' tzik'tna'lju' t-xtalb'il Dyos tu'n?
¿Mamajxtzun matzaj ttx'u'jil, tu'n min nlaqltk'u'j qi'j?
10Axi'xwe' nch'yon we ajtkub' nxima'ne'
¿min nqo toni'ntl Qman Dyos kse'n tnejel?
11Che tzajel nna'nju'ye' tb'inchb'en Dyos
tb'anilqexi'x ẍeb'aj tb'incha'n ojtxi';
12kchin ximale' ti'j tkyaqilju' taq'un oje tb'incha.
13Nman Dyos, xjanta toj tkyaqilju' tb'inchb'ena;
¿alxi'xkye juntl dyos nim toklen kse'n aya?
14¡Ateju'ya Dyos nb'inchankye tb'anil b'a'nq'ob'aj!
¡xityek'u'na tipumala kyeju' nimaqtnam!
15E' tkolju'ya ttanama tu'n tipumala,
aye' tk'wal Jakob' ex tk'wal Jse.
16Nman Dyos,
tzaj xob'il ti'ju' ninnjab' tej txi' ka'yi'na tu'n,
ex ku'pun tyukchi tzmaxtzu' t-xexi';
17tzaj nim jb'al kyu'nju' muj,
ojexi'x tinun twitz kya'j tu'n q'ankyaq
toj tkyaqil twitz tx'otx'.
18B'injtzu' tq'ojq'ojela ntinun toj saqchanpach;
tkyaqil twitz tx'otx' kub' spik'e' tu'n xloq'lokya'j
ex b'aj yukchiju' tx'otx' tu'n kyejnajnab'.
19Jqet b'e tu'na toj ninnjab';
ik'xa kyoj txqan a',
ex mix-a'lo'xte ka'yinteju' tqanb'ena.
20Eb'ajx t-ẍaqlu'nju'ya ttanama kse'n txqan rit,
kyu'nel Moyses ex Aaron. Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
