1Tzajxwit b'i'na tu'n Qman Dyos aj ttena toj yajb'il;
awt Qman Dyos ja k'uluna' Jakob' klonteya.
2Tzajxwit t-sma'n jun onilteya ex klolteya
tzmax toju' ja xjan twi' Syon.
3Tzajxwit tna'n tkyaqilju' toyaja
ex tk'amxwit toj tzalajb'il tkyaqilu' nkub' tq'o'na te chojb'il k'ok'sb'il.
4Tzajxwit ttzaq'we'n tkyaqilju' tb'is tk'u'ja
ex che japunxwit tkyaqilju' t-xima.
5Kb'eltzun qik'sa'nju' q'ij ajtkanb'ana,
che jawil qyob'a'nju' t-sut tnam twitz kya'j
toj tb'i Qman Dyos.
¡Che tzajxwit tq'o'n Qman Dyos tkyaqilju' tqanb'etza!
6Matxi' tz'el nnik'e' b'a'nxi'x qa ktzajel tq'o'nte Qman Dyos
tu'n tkanb'anju' nimaqkawil jaw t-sk'o'n;
qa ktzajel ttzaq'we'n tzmax toju' kya'j xjan,
ktzajel tq'o'n nimaq kanb'ab'l te tu'nju' tipumal.
7Ate' junjun q'uqlok kyk'u'j kyi'j kykarwaj te q'oj,
ex junjuntl kyi'j kychej;
atzunqe atzu' q'uqloka' qk'u'j ti'j Qman Dyos.
8Inche kub' tz'umj kye kych'eky ex nche kub' tz'aq,
ayo'tzunqe wa'lqo'xi'x ex minti' nqo'kub' tz'aq.
9Nman Dyos, ¡q'ontzju'ya kanb'ab'l teju' nimaqkawil!
¡Qo' ttzaq'wetza ajqtxokone' teya!, chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.