Pr 12 - Mam Ostuncalco Bible

1Alkyete' nb'in tzak'b'il nok tnab'l;

alkyetzunte' mixb'a'nb'in, mixti'x b'a'n tu'n.

2Aju' b'a'n xjal ntk'mo'n t-xtalb'il Qman Dyos,

atzunju' pi's nkub' tz'e'ysa'n twitz.

3Lay b'ent tokqe qk'u'j ti'ju' taq'wixil

Aye'tzunkye' tnik'alkyi'j majx xini kylok'.

4Aju' qya qa ti tnab'l tzajlajb'il teju' tchmil,

atzunju' myab'a'n xu'jilb'aj majx nkub' yajt tchmil.

5Okxtzu' nche ximana'kye' xjal tnik'alkyi'j ti'ju' tnik'alilti'j;

aye'tzu'n b'inchal myab'a'n o'kxte' sb'ub'll.

6T-xpatxab' kamikte' kyyolju' b'inchal myab'a'n;

atzu'n kyyolju' xjal tnik'alkyi'j, kolb'il.

7Nche kub' tz'aqju' b'inchal myab'a'n nche kub' tz'aq atzun kyajb'ilju',

Aye'tzu'n toj kyja tnik'alkyi'j che tenb'il kukxju'.

8Injaw nima'n xjal tu'nju' tnab'l,

atzunju' xnak nel ik'o'n.

9B'a'nte' ik'u'nqo' naqa te' qmajen,

kyetwitz nima'nqo' extzun mixti' qwa.

10Aju' b'a'n xjal kye kyilwiju' talu'n,

atzunju' b'inchal myab'a'n minti' nximan kyi'j.

11Alkyete nkub' taq'una'n ttx'otx' nimte' twa njaw;

atzunju' min ximan mixti'x nb'ajx tk'u'j.

12Axju' kyjamjoni'n b'inchal myab'a'n nok te jun xpatxab';

aye'tzu'n tnik'alkyi'j majx xini kylok'.

13Aju' b'inchal myab'a'n ax nb'aj tb'alq'i'n tib' toju' tchajyolil,

atzunju' xjal tnik'alti'j nklet toj ju' yajb'ilte.

14Teyile junjun ntk'mo'n twitzlalilju' tyol

ex ntk'mo'n chojb'ilte taq'unb'en.

15Toj tnab'lju' xnak qa tkyaqil ntb'incha'n b'a'nile,

atzunju' xjal ati tnab'l b'a'n b'in nab'l.

16Lwiyxi'x ntyek'u'n xnak ttx'u'jil;

atzunju' ati tnab'l minti' nxi' toj twinqil qama tz'ok ik'le'n.

17Aju' ax yolin, nttziya'n ax;

atzunju' chalyol noq njk'unyol.

18Ate' xjal nky'ixb'san kyol,

atzun kyolju' ati kynab'l tzalajb'ilx.

19Aju' ax yolin k'anq'il nimtoj,

atzu'nju' chalyol naq nul anj.

20Ati chajyolil toj kyximju' b'inchal myab'a'n;

atzu'n knab'lju' xjal nche' ximan nak'b'il ex tzalajb'il.

21Lay k'ulb'ante' xjal tnik'alti'j

atzunju' b'inchal myab'a'n tzul tilj taq'wixil ti'j.

22Ik'u'nqe'kye' chalyol tu'n Qman Dyos;

aye'tzunju' ax nche' yolin ntzalaj kyi'j.

23Aju' xjal b'a'n ximan mintla'ji'n tojtzqib'l;

atzu'n mixti' tnab'l ntnima'ntib' ti'ju' t-xnakyil.

24Alkyete twi' aq'unal kykawil

atzunju' ky'aj naq te majen ktenb'ila'.

25Nkub' yajti xjal tu'nju' b'is;

ajtzun so'j yol ntq'uqb'a'n tk'u'j.

26Ate' xjal tnik'alti'j nche'x t-ẍaqlu'n twnaqil;

aye'tzunkye' b'inchal myab'a'n nche' tzpet.

27Aju' ub'al ky'aj minti' nokyal tchi';

atzunju' noktilil tu'n kjawil q'inumax.

28Chwinqlalte' tb'eyil tnik'alilti'j;

atzu'n tb'eyil myab'a'n toj kamik npona'.