1Kukytzaje', qoqe' b'itzan tuk'i'l tzalajb'il te Qman Dyos;
qoqe' b'itzan teju' xq'uqilqe ex klolqe.
2Qo okx twitz tuk'i'l aq'b'il chjonte,
ex qo b'itzan b'itz te ninb'ilte.
3Qu'n nimte Qman Dyos toklen,
aju' nimaqkawil nim toklen kyib'aj kykyaqilju' dyos.
4Qu'n toj tq'ob'
ta'ju' t-xe tx'otx';
ex te qe'ju' nimaq witz.
5Tete' Dyos ninnjab', qu'n a kub' b'inchante;
¡kub' tb'incha'nju' tx'otx' tzqij kyu'nku' tq'ob'!
6Kukytzaje', qoqe' k'ulun mejliqo';
qoqe' mejeku' twitz Qman Dyos,
qu'n ate kub'inchanqe.
7Ate Qman Dyos, ayo'tzunqe ttanamqo';
tritqo' toj tch'laj.
Kyb'intzju'ye' ktma' ja'lo:
8Lan kub' kych'uẍsa'n kyanmiye', kse'n toj Merib'a;
kse'nj toj Masa, toj chq'ajlaj,
9tej nkub' kyq'o'ne' ojtxi' kyyajilb'ene' toj joyb'ilwi'je',
maskyepe' ojetoq che kyilju' waq'unb'ene'.
10Kab'naq (40) ab'q'i ntx'u'jine'
kyi'ju' xjal lu,
ex nmaye': Matxi' che b'aj kub'tzpetkye' xjal lu;
¡min nche'x kyb'i'n nchaq'b'ile'! nchije'.
11Qu'mtzun nmaye' toj ntx'u'jile'
qa lay che okx toju' najb'il te wojlab'le'. Chij. Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
